Мантсерат (анг. Montserrat) — заморская тэрыторыя Вялікабрытаніі, якая знаходзіцца на аднайменным востраве, які ўваходзіць у архіпелаг Малых Антыльскіх астравоў. Плошча тэрыторыі — 102 км².
Насельніцтва на ліпень 2005 года складала 4 488 жыхароў, 8 тыс. чалавек (дзве траціны насельніцтва) пакінула востраў падчас вулканічнай актыўнасці 1995 года, пасля некаторыя з іх вярнуліся. Да гэтага часу паўднёвая палова вострава зачынена для наведвання людзьмі.
Адміністрацыйны цэнтр — Плімут (3 500 чалавек). Пасля вывяржэння вулкана — пакінуты, цяпер часовы адміністрацыйны цэнтр — вёска Брэйдс на поўначы вострава.