Mae Foel Gron yn fynydd sy'n rhan o fynyddoedd Yr Wyddfa yn Eryri. Saif i'r gogledd-orllewin o gopa'r Wyddfa ei hun, rhwng Foel Goch i'r de-ddwyrain a Moel Eilio i'r gogledd-orllewin. Mae Bwlch Cwm Cesig yn ei wahanu oddi wrth Moel Eilio, a Chwm Cesig ei hun ar ei ochr ddwyreniol yn arwain i lawr i Gwm Dwythwch. I'r de-orllewin mae llechweddau mwy graddol yn arwain i lawr at Llyn Cwellyn.
Gellir ei ddringo ar hyd nifer o lwybrau, ond fel rheol cyrhaeddir i'r copa wrth fynd ar hyd y grib i gyd. Mae modd cyrraedd Bwlch Maesgwm o Lwybr Llyn Cwellyn neu o Lanberis ar draws Cwm Brwynog, ac yna dringo i'r copa dros Foel Goch.
