Mae Go (a elwir yn Tsieinëeg fel weiqi ac yng Nghorëeg fel baduk) yn gêm fwrdd hynafol ar gyfer dau chwaraewr. Mae'r gêm yn strategol iawn er gwaethaf ei rheolau syml.
Chwaraeir y gêm gan ddau berson sydd yn gosod cerrig du a gwyn yn eu tro ar grid gyda 19×19 o linellau. Ar ôl i'r cerrig gael eu rhoi ar y bwrdd, ni ellir symud y cerrig i ynrhyw le arall, oni bai eu bod wedi cael eu hamgylchynu a'u cipio gan gerrig y gwrthwynebydd. Nod y gêm yw i reoli (sef amgylchynu) mwy o'r bwrdd chwarae na'r gwrthwynebydd.
