«
Sedusiòṅ. Putēr. Danasiòṅ.»
(Tagline dal film)
Dracula's Legacy - Il fascino del male (Al làsat 'd Dràcula - 'L incànt dal mâł) 'l è 'n film ad scarésa americàṅ dal 2000 ad Patrick Lussier, prudót par Wes Craven. Al gh'à abû dū séguit: Dracula II: Ascension dal 2003 e Dracula III - Il testamento dal 2005.
In dal sulòna sunóra dla pelìcula i s càtan di pès heavy metal cuma Avoid the Light di Pantera, Bloodline di Slayer, The Metro di System of a Down, Break You Down di Godhead insém a Marilyn Manson e One Step Closer di Linkin Park.
Custâ sinquànta-quàtar migliòṅ ad dòlar, al film al 'n à pò purtâ a cà quarànta-sèt a 'l incìrca.
Sunt
Abraham Van Helsing (Christopher Plummer), faghénd finta 'd ès'r invéci al sò anvōd Matthew, 'l è 'l diretōr 'd un muśèo 'd antiquariâ a Lóndra. Cardénd che chi lò al tgnis lugâ 'n teśôr in dal caveau, la sò segretària Solina (Jennifer Esposito) la strulga 'n cōlp insém a di àtar par fargàr-'g incòsa purtànd-ag via na casa da mòrt. Mént'r i làd'r i èṅ drē a vulàr in aparéć vèrs la Luiśiàna, un vampîr quaciâ par dal sangvétuli al salta fóra da 'd lè e al i masa tut. A s trata 'd Dràcula in parsòna (Gerard Butler).
Abraham al partìs subìt par New Orleans par cumbàt'r al sò nemìg insém a 'l sò asistènt Simon Sheppard (Jonny Lee Miller).
Culegamènt estéran
