«
'N inchietànt thriller 'd aṿtōr.»
(Tagline dal film)
Il viaggio di Felicia (Al viàś dla Felicia) 'l è 'n thriller dramàtic dal 1999 'd Atom Egoyan trat da 'l rumànś umònim ad William Trevor. 'L è stâ preśentâ in cuncōrs a 'l 52śum Fèstival ad Cannes.
Al n è minga stâ bòṅ ad far sù gnanc nuvsènt-mila dòlar.
Sunt
La Felicia (Elaine Cassidy) l'è na ragàsa irlandéśa ch'la gh'à d'avér fiōl ma 'l sò muruśèṅ Johnny Lysaght (Peter McDonald) al n in vōl savēr dal putèṅ. La śōvna la decìd acsè 'd andàr-'l a catàr a Birmingham ma a n è minga 'n quèl fàcil parchè lò al n gh'à minga lasâ 'l sò indirìs e pò al n è briśa dl'idéa 'd dvintàr pàdar par na gusàda dal cas.
Rivàda in Inghiltèra la Felicia la cgnós 'n óm in là c'n i an ch'al gh'à 'n impréśa 'd risturasiòṅ, Joseph Hilditch (Bob Hoskins). Chi lò 'l è anc al fiōl dna vècia stéla dla televiśiòṅ, la Gala (Arsinée Khanjian), dvintàda famóśa p'r i sò prugràma 'd cuśìna. Hilditch al s śibìs ad jutàr-la a catàr Johnny ma i mutìṿ a 'l inìsi i n èṅ minga tant ciàr, sōl dòp a s vèṅ a savēr ch'l óm al s éra mis a dvintàr amìg dal ragàsi par pò masàr-li.
Hilditch al gh cunsìlia ad tōr na cambra in 'n ustèl dal pòst ma prima al gh pòrta via di bèsi da la burséta.
Culegamènt estéran
