«
'L arbgàt 'l è incóra viṿ... più terificànt ad sèmpar.»
(Tagline dal film)
Nightmare II: La rivincita (Arbgàt 2: L'arvìnsida) 'l è 'n film ad scarésa americàṅ dal 1985 ad Jack Sholder.
A s trata dal secónd capìtul dla saga 'd Nightmare dòp Nightmare - Dal profondo della notte dal 1984 e prima 'd Nightmare III: I guerrieri del sogno dal 1987, Nightmare IV: Il non risveglio dal 1988, Nightmare VI: La fine dal 1991, Nightmare V: Il mito dal 1989, Nightmare VI: La fine dal 1991, Nightmare - Nuovo incubo dal 1994 e d'l incróś c'n al persunàǵ ad Jason Voorhees ad Venerdì 13, Freddy vs. Jason dal 2003, e d'l arfacimènt Nightmare dal 2010.
Al film, girâ in Califòrgna, 'l è custâ tri migliòṅ ad dòlar ma a la fiṅ 'l è stâ bòṅ ad purtàr-'n a cà dagnóra trénta.
Sunt
Jesse Walsh (Mark Patton) 'l è 'n studènt ch'l à spatinâ a Springwood da pôc in dla cà maladìda a 'l nùmar 1428 'd Elm Street in dua sinc an prima a gh'è stâ 'n masèl da part ad Freddy Krueger (Robert Englund). Al ragàs al cgnós subìt la Lisa Webber (Kim Myers), na śōvna ch'la s inamóra 'd lò sénsa crédar ch'al sia mat sōl p'r al fat 'd avér-ag di arbgàt la nòt cumpàgn a la Nancy Thompson.
Na sira Jesse, sóta 'l cuntròl ad Krueger, al masa in palèstra 'l sò prufesōr ad ginàstica, Schneider (Marshall Bell), ch'al gh dava sèmp'r adòs.
Culegamènt estéran
