«
Na vóś pasiunàla, na vita espluśìva!»
(Tagline dal film)
Piñero - La vera storia di un artista maledetto (Piñero - La stòria véra 'd 'n artìsta maladî) 'l è 'n film biugràfic dal 2001 scrit e dirèt par Leon Ichaso ispirâ a la vita dal puvéta e senegiadōr Miguel Piñero.
Sunt
A 'l inìsi di an Stanta, dòp avēr pasâ 'n an in dla parśòṅ ad Sing Sing parchè bcâ a véndar dla dròga quànd al gh'iva vint-sinc an, al purturicàṅ Miguel Piñero (Benjamin Bratt) al próa a 'rfàr-as na vita jutâ par par sò màdar (Rita Moreno) e par la sò muróśa, la Sugar (Talisa Soto). 'L impreśàri teatràł Joseph Papp (Mandy Patinkin) al capìs ch'al gh'à dal talènt e 'l decìd ad purtàr la sò cumèdia Short eyes, scrita quànd 'l éra incóra dèntar e pò vinsidōra dal Tony Award dal 1974, a Broadway.
A riva acsè 'l sucès par Piñero, che cun la sò manéra 'd dascórar 'l à anc dâ 'n cuntribùt a sparpajàr in dla cultùra americàna al gènar rap e hip-hop, e c'n al sò amìg Miguel Algarín (Giancarlo Esposito) al vèra 'l Nuyorican Poets Café. I al pésc'n anc a Hollywood ma p'r al purturicàṅ i sàltan fóra di prubléma 'd salùt, specialmènt a 'l fégat.
Culegamènt estéran
