«
Stòri 'd amōr piculìni. Fàcili da tacàr. Difìcili da dar-'g un taj.»
(Tagline dal film)
Singles - L'amore è un gioco (Put - 'l amōr 'l è 'n śōg) l'è na cumèdia rumàntica americàna dal 1992 ad Cameron Crowe. Fra gl'atōr a gh'è i camèo ad Tim Burton e di mémbar di Alice in Chains e di Soundgarden. Chi dū grup che i fìrm'n anc la culòna sunóra insém a di atri bandi dal gènar grunge cuma Pearl Jam, Mudhoney, Screaming Trees e Smashing Pumpkins.
Custâ nóṿ migliòṅ ad dòlar, al film al 'n à pò purtâ a cà da piò ad daśdòt.
Sunt
In dla sità ad Seattle un grup ad śōvan put ch'i vìv'n in dal stés cundumìni i tàcan dal stòri 'd amōr. La Janet Livermore (Bridget Fonda) la fà la camaréra in un cafè e la gh'à sémpar paùra 'd an piaśēr minga par via dal sò téti pìculi. La s mét insém a 'n sunadōr 'd heavy metal, Cliff Poncier (Matt Dillon), ch'al pénsa sōl a la caréra e a dvintàr famóś anc s'al sò grup 'l è a gl'inìsi. La Linda Powell (Kyra Sedgwick) invéci la gh'à 'l ciòld fis par la natùra e la créd pôc in d'l amōr dòp tut qvél ch'l'à bèla pasâ ma la gh próa incóra cun Steve Dunne (Campbell Scott), ex dla Janet ch'l'è armàśa sò amìga.
Méntar la Janet la pénsa 'd arfàr-'s al téti, la Linda la vèṅ a savēr 'd aspetàr un putèṅ ma purtròp la 'l pèrd in 'n incidènt.
Culegamènt estéran
