La makedono Andriscus sukcesis reestabligi la monarkion en Antikva Makedonio, sed nur por unu jaro kaj sekve la Romia Respubliko transprenis la rektan kontrolon kaj instalis romian provincon, kiu ekhavis la latinan nomon Macedonia. Krome en Romo mortis Katono la Maljuna, latineMarcus Porcius Cato Censorius (n. en -234), kiu havis grandan influon al la tiutempa konservativa politiko kaj latina filozofio.
La greka regiono Achaea konkeriĝis fare de la romia armeo kaj unue apartenis al la romia provinco Macedonia. Dum la jaro 27 antaŭ Kristo ĝi ekhavis la statuson de sendependa senata romia provinco kun la ĉefurbo Korinto.
En Seleŭkio estas politika krizo, post kiam Aleksandro la 1-a Balas, la antaŭa imperiestro, mortis. Demetrio la 2-a kaj Antioko la 6-a iĝis imperiestroj.
La armeo de Romio gvidis malsukcesan militon kontraŭ skordiskoj, keltatribo setlinta je la kunfluo de la Danubo kaj Sava, en la regiono de Beogrado, tiam latineSingidunum. Ĉirkaŭ 12 a.K. la tribo ŝajne submetis sin sub romian kontrolon kaj ricevis interŝanĝe iom da aŭtonomio.
