Ĝi estas 58–67 cm longa, kun ruĝaj kruroj kaj tre rimarkinda etenda nuda vizaĝa haŭtaĵo ĉirkaŭokula kaj ĝis la beko. La masklo estas ĉefe bluecnigra birdo kun kresto, kaj la ino estas senkoloreca bruna birdo. La alarmalvoko estas puk-puk-puk.
Subspecioj
Tiu specio havas du variaĵojn. La nomiga formo L. e. edwardsi havas blankan kreston kaj supran voston, dum la norda formo L. e. hatinhensis havas varian nombron de blankaj vostoplumoj. Tiu diferenco en la du formoj povas havi kialon je interna reproduktado ĉe limigita fragmenta populacio tie, kaj estis vidata ankaŭ en kaptiteco ĉe L. e. edwardsi. La norda formo foje ricevas statuson de separata specio el kelkaj fakuloj, kiel Vjetnama fazano, Lophura hatinhensis (Vo Quy, 1975).
Oni supozas ke tiu specio havas nombrojn nur de 1000-3000 birdoj en naturo, ĉefe de la nomiga formo, sed ĝi estas sufiĉe sekura en kaptiteco, kie ĝi estas subjekto de forloka konservado.
Tiu birdo ricevas sian nomon el la ornitologo Sir Edward Woolridge.
