Laŭ la stato de 2011 en la teritorio vivis 274 289 loĝantoj sur areo de 59 196 kvadrataj kilometroj, kio rezultigas loĝdenson de 5 loĝantoj/km². Ĝia ĉefurbo estas Leh. Notindas ke ĝi estas la plej granda el la uniaj teritorioj kaj estas unu el la plej malmulte loĝataj distriktoj en Barato.
La kialo de tiu hommalmulteco estas la severeco de la medio, plejparte dezerta, kaj la ĝenerala alteco de la lando, tuj apud la himalaja montaro. Plejparto de la distrikto kuŝas sur altebenaĵo pli ol 3 000 metrojn alta. La plej alta pinto kulminas je 7.135 m (la ĝemelaj pintoj Nun-Kun).
Kelkfoje nomata La malgranda tibeto, ĝi estas fama pro siaj apartaj pejzaĝoj kaj gentoj, kies pluraj estas tre proksime al tibetanoj. La ĉefa religio estas tibeta budhismo.
Ladako estis establita kiel unia teritorio de Barato la 31an de oktobro 2019, post la paso de la Ĝamuo kaj Kaŝmira Reorganizado-Leĝo. Antaŭ tio, ĝi estis parto de la subŝtato Ĝamuo kaj Kaŝmiro.
.svg)
.jpg)
