Leza de Río Leza [LEza derioLEza] estas vilaĝo kaj municipo de Rioĥo (norda Hispanio), nome en la suda komarko Malnova Kamero. La rivero Leza estas la akso de la komarka valo.
La municipa teritorio de Leza de Río Leza, en la centro de la regiono.
Geografio
Ĝi estas sur la valo de la rivero Leza kaj ĉe la regiona ŝoseo LR-250; laŭ tiu estas sude Soto en Cameros kaj aliaj lokoj de la komarko kaj norde Ribafrecha. La urba kerno estas je 21 km de Logronjo, provinca kaj regiona ĉefurbo, kaj sur 567 m de altitudo. La ponto de Leza, je la enirejo al la urba kerno, malfermas la vojon al la impona kanjono de la rivero Leza. Ĝi limas norde kaj oriente kun Ribafrecha, sude kun Soto en Cameros (domaro Trevijano) kaj kun Lagunilla del Jubera (domaroj Villanueva de San Prudencio kaj Zenzano), kaj okcidente kun Clavijo.
Historio
Dum la Moderna Epoko, Leza prosperis pro la protekto fare de la Mesta kaj la industrio de la lano. La tolaĵoj fabrikitaj en la 18-a jarcento estis konsumitaj de la lokanoj, sed ankaŭ estis liveritaj al la reĝaj trupoj aŭ eksportataj al la cetero de Iberio.
Aktualo
La rura elmigrado okazis laŭlonge de la 20-a jarcento kaj tial oni malaltiĝis el 452 loĝantoj meze de la 19-a jarcento ĝis 23 en 1981 kaj nunaj 42.
Vizitindaĵoj estas la preĝejo, ermitejoj kaj ruinoj de aliaj ermitejoj, ponto, palaco, neĝujo, kaj mirindaj rigardejoj al pejzaĝo ktp. La areo de Leza de Río Leza estas en birdoprotektejo ZEPA “Peñas del Iregua, Jubera y Leza” ĉar estas grandaj kolonioj de gipoj kaj aliaj protektitaj birdoj.
_-_Municipality_Map.svg)
