Kastelo Litomyšl situas en la urbo Litomyšl en Ĉeĥio, en la regiono Pardubice, distrikto Svitavy, 18 km nordoriente de Svitavy.
Unu el la plej ampleksaj kaj plej elstaraj renesancaj konstruaĵoj en la lando, pro sia valoro proklamita kiel Nacia kultura memorindaĵo.
Ekde 1999 parto de la Monda kulturheredaĵo de UNESKO.
La loko ligita kun naskiĝo de la komponisto Bedřich Smetana.
Historio
Reprezenta renesanca kastelo konstruita en 1568-1581 de Giovanni Battista Aostalli surloke de la pli malnova burgo kaj monaĥejo. Post incendio en 1775 la internoj estis adaptitaj en klasikisma stilo. La kastelo estas ĉirkaŭita de ornama ĝardeno kaj parko.
Vidindaĵoj
- 1-a itinero en la kastelo – reprezentaj salonoj, kastela teatro kun originaj dekoraĵoj de J. Platzer
- 2-a itinero en la kastelo – gastĉambroj, kapelo, urba galerio (pentroarto de la 19-a kaj 20-a jarcentoj)
- kastela kelaro – ekspozicio de statuoj de Olbram Zoubek
- kastela bierfarejo – naskiĝdomo de Bedřich Smetana, ekspozicio de la regiona muzeo
- kastela ĉevalrajdejo – muzeo de aktikveco
- La kastelo estas publike alirebla ekde aprilo ĝis oktobro.
- En junio kaj septembro en ĝi okazas prestiĝaj muzikfestivaloj.
- La aktualajn informojn vidu en la retpaĝaro.
-
Kastelo
-
Kastelaj fenestroj
-
Arkadoj en la kastela korto
-
Kastela bierejo kaj preĝejo
-
Scenejo de la kastela teatrejeto
_-_z%C3%A1meck%C3%A9_divadlo.JPG)
