Nicolae GRIGORESCU [nikolae grigoresku] (15-an de majo 1838 – 21-an de julio 1907) estis rumana pentristo kaj unu el la fondintoj de rumana arto. Li naskiĝis en la sudrumania vilaĝo Pitaru (iama distrikto Dâmboviţa) kaj mortis en la sudrumania urbeto Câmpina.
Li estis influita de la realismemaj francaj pentristoj el la Skolo de Barbizon. Li samtempe artsente, kaj por la postjarcentuloj, dokumente bildigis la vivon en rumanaj kamparoj fine de la 19-a jarcento.
