Rothenburg estas komunumo en la distrikto Hochdorf en Kantono Lucerno, Svislando. Ĝi havis 7118 loĝantojn je la 31-a de decembro 2010.
Geografio
La komunumo Rothenburg situas norde de la urbo Emmen kaj apartenas kune kun Emmen al la aglomeraĵo de la kantonĉefurbo Lucerno.
Najbaraj komunumoj
La komunumo Rothenburg limas en nordo al Rain, en oriento al Eschenbach, en sudo al Emmen, kaj en okcidento al Neuenkirch.
Trafiko
Rothenburg disponas pri stacidomo ĉe la trajnlinio de la Svisaj Federaciaj Fervojoj de Olten al Lucerno.
La nacia svisa aŭtovojo A2 pasas laŭlonge de la suda komunumlimo kaj la plej proksima alveturejo situas 2 km de la vilaĝocentro en Emmen-Nordo.
Historio
La unua skriba mencio de Rothenburg datiĝas el dokumento de la jaro 1130, kiu mencias certan Senjoron Walther von Rodemburg.
La Baronoj de Rothenburg estis unu el la plej potencaj kaj militemaj familioj de la tuta regiono kaj flegis intensivan malamikecon kun la urbo Lucerno. En la jaro 1285 la familio formortis. La Habsburgoj estis la heredantoj de la Rothenburgoj kaj transformis ilian posedaĵon al voktejo. En la jaro 1371 ili koncedis al Rothenburg la urborajton por krei kontraŭpotencon kontraŭ la fortiĝanta urbo Lucerno. La 28-an de decembro 1385 la lucernanoj konkeris la urbeton kaj detruis la kastelon kaj la urbomuron.
Post la Batalo de Sempach en la jaro 1386 la lucernantoj tiam transprenis la regadon en Rothenburg, kiu tiel perdis sian urborajton. La Lucernanoj kreis nun lucernan distrikton Rothenburg, kies vokto havis sian sidejon en Lucerno. Rothenburg tamen estis nur la ĉefloko de la interna parto de la voktejo, dum la ĉefloko de la ekstera voktejparto estis Hochdorf. Ek de 1803 Rothenburg estas parto de la lucerna distrikto Hochdorf.
Vidu ankaŭ
Fontoj
Tiu-ĉi artikolo baziĝas plej-parte sur libera traduko de la teksto pri Rothenburg en la germanlingva vikipedio.
Eksteraj ligiloj
Bildoj
_323.JPG)
_294.JPG)
_284.JPG)
_317.JPG)
_320.JPG)
_274.JPG)
_279.JPG)
_175.JPG)