La rivero Segura (en latina flumen Tader, en araba Wādī Ṭādirū[1] kaj وادي الأبيض Wadi al-Abyad, «Blanka Rivero») estas grava rivero de la sudoriento de Hispanio.
La rivero Segura elfluas en la montaro Sierra de Segura je 5 km de Pontón Bajo, en malgranda domaro nome Fuente Segura, en la municipo Santiago-Pontones (Provinco Jaén). Fluas tra la provincoj Ĥaeno, Albaceto, MurcioAlikanto. Elfluas en la Mediteraneon, ĉe Guardamar del Segura (Alikanto), post fluejo de 325 km kaj hidrografia baseno de 14.936 km². La areo de ĝia hidrografia oficiala kolektejo estas de 18.870 km² ĉar inkludas la ramblas (pluvtorentejoj) de la suda marbordo de Alikanto kaj de la Murcio.[2]
Estas unu de la riveroj kun pli granda profito hidrologia, konata ankaŭ pro sia malreguleco okaziganta grandajn inundojn alterne kun longdaŭraj periodoj de sekego kaj en la lastaj jardekoj bedaŭrinde fama pro gravaj problemoj de poluado de siaj akvoj, ĉefe en la lasta fluparto[3] kio kondukis al grava investado en purigo kaj rekuperado.
↑ Correa Rodríguez, José Antonio. «El hidrónimo Tader (río Segura)». Habis, 50 (2019), pp. 297-303. doi:10.12795/Habis.2019.i50.14.
↑[1]Arkivigite je 2007-01-07 per la retarkivo Wayback Machine Arkivita la 7an de januaro 2007 en la Wayback Machine. Informo de la Confederación Hidrográfica del Segura.
