The Mall ([ˈ|m|æ|l][1]) estas strato en Westminster, Londono, kiu etendas el Palaco Buckingham ĉe ties okcidenta pinto al Charing Cross kaj Admiralitata Arko kaj pluen ĝis Placo Trafalgaro je ties orienta pinto. Antaŭ ties fino ĉe Whitehall ĝi renkontiĝas kun la strato Printempaj Ĝardenoj, kiu estas kie estis Metropola Vorkejo (Metropolitan Board of Works) kaj, dum nombraj jaroj, la Londona Kantona Konsilantaro. Ĝi estas fermita al la trafiko sabate kaj dum publikaj ferioj, kaj ankaŭ dum ceremoniaj okazoj, foje rilataj al la Palaco Buckingham.
Historio
The Mall ekis kiel ludejo por malio. En la 17a kaj 18a jarcentoj ĝi estis laŭmoda promenejo, bordita per arboj.[2]
The Mall estis poste dezajnita kiel ceremonia vojo komence de la 20a jarcento, kongrue kun la kreado de similaj ceremoniaj vojoj en aliaj urboj kiaj Berlino, Meksikurbo, Oslo, Parizo, Sankta Peterburgo, Vieno kaj Vaŝingtono. Tiuj avenuaj vojoj estis intencitaj por esti uzataj por ĉefaj naciaj ceremonioj.
