Biafra[1], ofizialki Biafrako Errepublika (ingelesez: Republic of Biafra) Nigeriako hego-ekialdean zegoen estatu sezesionista izan zen. Biafran igbo herria bizi zen gehienbat eta 1967ko maiatzaren 30etik 1970eko urtarrilaren 15era iraun zuen. Igbo herriak inguruko beste herriekin arazo ekonomiko, etniko, kultural eta erlijiosoak zituenez independentzia aldarrikatu zuen. Errepublika berria izendatzeko, Biafrako golkoaren izena aukeratu zuten[2]. Aldarrikapen horrek Nigeriako Gerra Zibila edo Nigeriar-Biafrar Gerra eragin zuen.
Gabonek, Haitik, Boli Kostak, Tanzaniak eta Zambiak baino ez zuten ofizialki herrialde berria aintzatetsi; hala ere, Israel, Frantzia, Portugal, Rhodesia, Hegoafrika eta Vatikanoren laguntza jaso zuen[3].
Chukwuemeka Odumegwu-Ojukwuk independentzia aldarrikatu zuenean, herrialdeak 76.400 km²-ko azalera eta 13 miloi biztanle zituen, erdiak igboak.
Erreferentziak
Kanpo estekak
