Black Mirror

Black Mirror
Jatorria
Sortzailea(k)	Charlie Brooker (en)
Izenburua	Black Mirror
Jatorrizko hizkuntza	ingelesa
Jatorrizko herrialdea	Erresuma Batua
Sasoi kopurua	6
Atalak	28
Banatze bidea	eskatu ahalako bideo
Ezaugarriak
Genero artistikoa	zientzia-fikzioa, telebista drama, telesail antologikoa, dystopian television series (en) , LGBT-related television series (en) , satira, thriller television series (en) , zientzia-fikzioa, thrillerra eta drama
Iraupena	64,5 minutu
Kolorea	koloretakoa
Grabazio lekua(k)	Londres, Los Angeles, Toronto eta Lurmutur Hiria
Zuzendaritza eta gidoia
Zuzendaria(k)	Otto Bathurst (en) ; Euros Lyn (en) ; Brian Welsh (en) ; Owen Harris (en) ; Carl Tibbetts (en) ; Bryn Higgins (en) ; Joe Wright; Dan Trachtenberg (en) ; James Watkins (en) ; Jakob Verbruggen (mul) ; James Hawes (mul) ; Toby Haynes (en) ; Jodie Foster; John Hillcoat (mul) ; Tim Van Patten; David Slade (mul) ; Colm McCarthy (en)
Gidoigilea(k)	Charlie Brooker (en) ; Konnie Huq (en) ; Jesse Armstrong (mul) ; Rashida Jones; Michael Schur
Antzezlea(k)
	Daniel Lapaine ; Hannah John-Kamen (en) ; Michaela Coel ; Daniel Kaluuya ; Toby Kebbell ; Rory Kinnear ; Hayley Atwell ; Lenora Crichlow (en) ; Daniel Rigby ; Jon Hamm ; Bryce Dallas Howard ; Malachi Kirby (en) ; Alex Lawther (en) ; Kelly Macdonald ; Gugu Mbatha-Raw ; Wyatt Russell ; Georgina Campbell ; Rosemarie DeWitt ; Douglas Hodge ; Maxine Peake ; Jesse Plemons ; Andrea Riseborough ; Jessica Brown Findlay (mul) ; Lindsay Duncan ; Jodie Whittaker ; Domhnall Gleeson ; Chloe Pirrie (mul) ; Michael Smiley ; Rafe Spall ; Madeline Brewer ; Mackenzie Davis ; Alice Eve ; Jerome Flynn
Ekoizpena
Konpainia ekoizlea	Zeppotron (en) ; Banijay UK Productions (en)
Emanaldia
Jatorrizko igorlea	Channel 4; Netflix
Hasiera-data	2011ko abenduaren 4a
Argumentu nagusia	teknologia
Historia
Jasotako sariak	Peabody Awards (en) ; Primetime Emmy Award for Outstanding Writing for a Miniseries, Movie or a Dramatic Special (en) ; 69th Primetime Emmy Awards (en) ; Primetime Emmy Award for Outstanding Made for Television Movie (en) ; 69th Primetime Emmy Awards (en) ; Primetime Emmy Award for Outstanding Writing for a Miniseries, Movie or a Dramatic Special (en) ; 70th Primetime Emmy Awards (en) ; Primetime Emmy Award for Outstanding Made for Television Movie (en) ; 70th Primetime Emmy Awards (en) ; Primetime Emmy Award for Outstanding Sound Editing for a Limited or Anthology Series, Movie or Special (en) ; 70th Primetime Emmy Awards (en) ; Primetime Emmy Award for Outstanding Single-Camera Picture Editing for a Limited Series or Movie (en) ; 70th Primetime Emmy Awards (en) ; Primetime Emmy Award for Outstanding Interactive Program (en) ; 71st Primetime Emmy Awards (en) ; Primetime Emmy Award for Outstanding Made for Television Movie (en) ; 71st Primetime Emmy Awards (en)
	netflix.com…

Black Mirror (euskaraz: «Ispilu Beltza») Erresuma Batuko antologia telesail bat da. Charlie Brooker ekoizleak sortu zuen, showrunner izan delarik telesailaren garapenean, eta gidoi gehienen idazlea ere bai. 2011-2014 artean Channel 4 britainiar katean aireratu zen, eta 2016tik gaur egun arte Netflix zerbitzuan.

Argumentua

Oharra: Atal honek istorio osoa edo amaiera argitzen du.

Brookerren adierazitakoaren arabera «atal bakoitzak tonu ezberdina du, giro ezberdina, bai eta errealitate ezberdin bat ere, baina guztiak gaur egun bizi dugun bizimoduari buruzkoak dira, eta baldarrak bagina 10 minututan nola biziko ginatekeenari buruzko ere bai».

Endemol banatzailearen hitzetan telesaila «The Twilight Zone eta Tales of the Unexpected telesailen hibridoa da, gure gaur egungo mundu garaikidearen ezinegonaz elikatzen dena», bere istorioek nolabaiteko «tekno-paranoia» baten sentimendua dute.^[1] Channel 4 kateak «Twitterren aroko parabola bihurria» bezala deskribatu zuen.^[2]

Atalak

Lehen denboraldia (2011)

Channel 4 telebista britainiarrean estreinatu zen, eta hurrengo denboraldiak ere kate berean karraitu zuen.

The National Anthem (Ereserki nazionala): Erresuma Batuko lehen ministroa dilema handi baten aurrean dago: Susannah printzesa bahitu egin dute eta bahitzaileak, erreskate-ordain bezala, lehen ministroak txerri batekin sexu-harremanak edukitzea eta telebistan prime time ordutegian aireratzea eskatzen du.
15 Million Merits (15 milioi meritu): Instalazio batean, jendea pantailaz beteriko zeldetan bizi da, eta edozer lortu ahal izateko ordain-kredituak behar dituzte; bizikleta estatiko batean pedalei eragin eta horrela energia sortzearen truke ematen zaizkie kreditu hauek.
The Entire History of You (Zure istorio osoa): Gertuko etorkizunean, mundu guztiak memoria inplante bat edukitzeko aukera dauka, eta inplanteek gizakiek egin, ikusi eta entzuten duten guztia grabatzen dute.

Bigarren denboraldia (2013)

Be Right Back (Berehala nator): Hildakoekin harremanean egotea posible egiten duen zerbitzu bat ezagutzen duenean, Martha, bakar-bakarrik eta triste dagoena, bere mutilaguna izan zenarekin harremanetan jartzen da.
White Bear (Hartz txuria): Victoriak ezin du bere bizitzari buruzko ezer gogoratu esnatzen denean. Topo egiten duen inork ez du berarekin hitz egiterik nahi.
The Waldo Moment (Waldoren unea): Marrazki bizidunetako hartz bati ahotsa jartzen dion komiko batek politikan ikusten du bere burua, buruzagiek hartza hauteskundeetara aurkeztea nahi dutenean.

Gabonetako berezia (2014)

Telefilm berezi hau ere Channel 4 katerako egin zen.

White Christmas (Gabon zuriak): Edurrak isolatutako base batean, teknologiak eragindako hondamendiei buruzko istorioak kontatzen dizkiote bata besteari bi gizonek, gabonak direla.

Hirugarren denboraldia (2016)

2015ean Netflixek erosi zituen telesail kontzeptuaren eskubideak eta 12 kapitulu enkargatu zituen. Ondoren, horietarik sei 3. denboraldia nbilakatu ziren, eta beste seiak 4. denboraldia osatzeko izan ziren.^[3]

Nosedive (Gainbehera): Sare sozialetan ospea handitzeko beharrean, emakume bat handikien eztei batzuetara joaten da ilusio handiz. Baina bidaia ez da pentsatzen zuen bezala aterako.
Playtest (Proba): Diru gutxirekin dabilen bidaiari estatubatuar batek bideo-joko-sistema berri baten proba egiteko izena ematen du. Laister ikasiko du fikzioa batzuetan errealegia dela.
Shut Up and Dance (Isildu zaitez eta egizu dantza): birus batek bere ordenagailua hartu du, eta orain erabaki ikaragarri bat hartu beharrean dago: SMS bidez ematen dizkioten aginduak jarraitzea, edo bere ezkutuko sekretuak argitan jartzea.
San Junipero: Kaliforniako kostaldea, 1987an. Neska gazte lotsati batek eta neska alai kanporakoi batek harreman indartsu bat sortuko dute, denbora eta espazioaren legeei aurre eginez.
Men Against Fire (Gizonak suaren aurka): Arerio iheskor baten aurkako lehen guduaren ondoren, soldadu batek sentsazio arraroak eta akats tekniko oso bitxiak biziko ditu.
Hated in the Nation (Nazioan gorrotatua): Kazetari bat hil egiten da, sare sozialetan eztabaida handia sortu ondoren. Kasua ikertzean, poliziakide beterano batek eta teknologian aditua den dizipuluak, beldurgarria den zerbait ezagutzen dute.

Laugarren denboraldia (2017)

USS Callister: Robert Daly komandanteak jakituria eta ausardiaz gidatzen du bere tripulazioa, baina errekruta berri batek USS Callister ontzian gauzak diruditen bezalakoak ez direla azaleratuko du.
Arkangel (Jodie Fosterrek zuzendutako atala).
Crocodile (Krokodiloa): Mia itzelezko sekretu bat ezkutatu behar duen arkitektoa da, aseguruen ikertzaile batek istripu baten lekukoei elkarrizketa egin behar dien bitartean.
Hang the DJ (Zintzilikatu DJ-a): Erlazioei amaiera data jartzen dizkien harreman-programa bati esker ezagutzen dira elkar Frank eta Amy, baina laister hasiko dira sistemaren logika zalantzan jartzen.
Metalhead (Metal-buru): Biltegi abandonatu batean, bizigaien bila dabiltzan sarraskijale batzuek arerio bihozgabe bat aurkitzen dute. Bizirauteko, eremu babesgabe baten zehar ihes egin beharko dute.
Black Museum (Museo beltza): autobideko gune batean, gazte batek museo bat aurkitzen du, non ustez egiazkoak diren kriminologia-objektuak erakusten diren... atrakzio nagusia aztoragarria delarik.

Filma (2018)

Bandersnatch: 1984an girotutako luzemetrai interaktibo honetan, Stefan programatzailea errealitatea zalantzan jartzen hasiko da, eleberri interaktibo batean oinarritutako bideo-jokoa sortzen ari dela.

Bosgarren denboraldia (2019)

Denboraldi laburrena 2024 bitartean egindakoen artean, eta kritikak ez zuen bereziki ontzat eman.^[4]

Striking Vipers (Bipera deigarriak): Danny eta Karl, unibertsitate garaiko bi lagun, errealitate birtual joko batean berriz ere elkartzen direnean, bere gaueko partidek ezusteko ondoriok ekarriko dituzte.
Smithereens (Birrinduta): AIG gidari batek nazioarteko krisi bat sortzen du sare sozial enpresa bateko langilea bahitzen duenean Londresen.
Rachel, Jack and Ashley Too (Rachel, Jack eta Ashley ere bai)

Seigarren denboraldia (2023)

2023ko ekainaren 15ean estreinatu zen denboraldia, sei atalez osatua:

Joan Is Awful (Joan ikaragarria da).
Loch Henry.
Beyond the Sea (Itsasoaz gaindi).
Mazey Day.
Demon 79.

Erreferentziak

↑ (Ingelesez) Vacker, Barry. (2020-08-21). «Black Mirror: The Twilight Zone of the 21st Century» Medium (Noiz kontsultatua: 2024-05-09).
↑ «Black Mirror | Channel 4» www.channel4.com (Noiz kontsultatua: 2024-05-09).
↑ (Ingelesez) Goldberg, Lesley. (2015-09-25). «‘Black Mirror’ Lands at Netflix With 12 New Episodes» The Hollywood Reporter (Noiz kontsultatua: 2024-05-09).
↑ (Gaztelaniaz) «Episodio de Miley Cyrus en ‘Black Mirror’ es calificado por la crítica como uno de los peores... y la temporada también» La Nación 2019-06-06 (Noiz kontsultatua: 2024-05-12).

Kanpo estekak

Black Mirror telesailaren iragarkia ikusgai. Youtube.com (Ingelesez)
Black Mirror, Channel 4

Datuak: Q558112
Multimedia: Black Mirror / Q558112

[1] (Ingelesez) Vacker, Barry. (2020-08-21). «Black Mirror: The Twilight Zone of the 21st Century» Medium (Noiz kontsultatua: 2024-05-09).

[2] «Black Mirror | Channel 4» www.channel4.com (Noiz kontsultatua: 2024-05-09).

[3] (Ingelesez) Goldberg, Lesley. (2015-09-25). «‘Black Mirror’ Lands at Netflix With 12 New Episodes» The Hollywood Reporter (Noiz kontsultatua: 2024-05-09).

[4] (Gaztelaniaz) «Episodio de Miley Cyrus en ‘Black Mirror’ es calificado por la crítica como uno de los peores... y la temporada también» La Nación 2019-06-06 (Noiz kontsultatua: 2024-05-12).

[1]

[2]

[3]

[4]