Collembola Hexapodaren barruan intsektu gisa sailkaturik ez dauden talderik handiena da. Protura eta Diplurarekin batera Entognatha klasean sailkatzen dira, hirurek dutelako barne ahoa, nahiz eta badirudien ez daudela elkarren artean ahaidetza handiagorik eurek intsektuekin dutena baino. Intsektu guztiek ahoa kanpoan dute.
ADN sekuentzien ikerketa batzuek esaten dutenez Hexapoda guztien ahizpa taldea litzateke Collembola, baina beste batzuk ez datoz bat. Arrazoia artropodoek dituzten ADN dibergentzia patroietan dago. Entognatharen barruan sailkatzen direnean azpiklasetzat hartzen dira, bestela Hexapodaren barruko klasea dira.
Ziurrenik dentsitate handienean bizi diren animaliak dira, 62.000 ale egon daitezke metro koadro bakar batean. 7.900 espezie ezagutzen dira eta Devoniar garaiko fosilak aurkitu dira, orain dela 400 milioi urtekoak. Honek lur lehorraren gainean bizi ziren lehenengo animalien artean kokatuko lituzke.
