Ernest Shonekan

Ernest Shonekan
(2009) Irudi gehiago
Nigeriako presidentea 1993ko abuztuaren 26a - 1993ko azaroaren 17a ← Ibrahim Babangida - Sani Abacha →
Bizitza
Jaiotza	Lagos, 1936ko maiatzaren 9a
Herrialdea	Nigeria
Heriotza	Lagos, 2022ko urtarrilaren 11 (85 urte)
Familia
Ezkontidea(k)	Margaret Shonekan (en)
Hezkuntza
Heziketa	Harvard Business School CMS Grammar School, Lagos (en) Londresko Unibertsitatea Harvard Unibertsitatea Igbobi College (en)
Jarduerak
Jarduerak	politikaria eta abokatua
Jasotako sariak	ikusi Order of the Federal Republic
Sinesmenak eta ideologia
Erlijioa	kristautasuna

Ernest Adegunle Oladeinde Shonekan (Lagos, 1936ko maiatzaren 9a - Lekki, 2022ko urtarrilaren 11) nigeriar politikaria izan zen. Nigeriako estatuburua izan zen 1993ko abuztutik azarora.

Zuzenbidea ikasi zuen Londreseko Unibertsitatean eta Harvard Business Schoolen ikasketak zabaldu zituen. 1964an United African Company of Nigerian hasi zen lanean eta 1980an enpresako presidente izan zen.

Hirugarren Errepublikako krisian, Ibrahim Babangida presidente militarrak Trantsizio Kontseiluko buru eta gobernuburu izendatu zuen. 1993ko ekaineko hauteskundeak baliogabetu ondoren, Babangidak abuztuaren 26an dimisioa eman zuen eta Shonekan bitarteko estatuburu izendatu zuen.

Shonekan hauteskunde presidentzial berri bat eta demokraziara itzultzea antolatzen saiatu zen, baina ezin izan zuen krisi politikoa kontrolatu. Zigor ekonomikoek inflazio handia eragin zuten eta atzerriko inbertsioa desagertu zen. Azaroaren 17an, Sani Abacha Defentsa ministroak agintetik bota zuen estatu-kolpe baten bidez.