Javier Ybarra Bergé

Javier Ybarra Bergé
; Gorte frankistetako prokuradorea
; Gorte frankistetako prokuradorea
; Bilboko alkate
; Gorte frankistetako prokuradorea
; Gorte frankistetako prokuradorea
; Gorte frankistetako prokuradorea
; Bizkaiko Ahaldun Nagusia
Bizitza
Jaiotza	Bilbo, 1913ko uztailaren 2a
Herrialdea	Bizkaia, Euskal Herria
Heriotza	Barazar, 1977ko ekainaren 22a (63 urte)
Heriotza modua	giza hilketa
Hiltzailea	Euskadi Ta Askatasuna
Familia
Aita	Gabriel María Ybarra de la Revilla
Ama	Elvira Bergé Salcedo
Ezkontidea(k)	Teresa Ybarra Villabaso
Seme-alabak	ikusi Javier Ybarra Ybarra; María Teresa Ybarra Ybarra; María de la Luz Ybarra Ybarra; Amelia Ybarra Ybarra; Enrique Ybarra Ybarra; Juan Antonio Ybarra Ybarra; Begoña Ybarra Ybarra; Borja Ybarra Ybarra; Ramón Ybarra Ybarra; Ana María Ybarra Ybarra; Cosme Ybarra Ybarra;
Haurrideak	ikusi Gabriel Ybarra Bergé; Rosario Ybarra Bergé; Ignacio María Ybarra Bergé; Manuela Ybarra Bergé; Vicente Ybarra Bergé; José María Ybarra Bergé; Pilar Ybarra Bergé;
Hezkuntza
Heziketa	Deustuko Unibertsitatea ; Salamancako Unibertsitatea
Hizkuntzak	gaztelania
Jarduerak
Jarduerak	ekintzailea, politikaria, enpresaburua eta abokatua
Lantokia(k)	Madril
Jasotako sariak	ikusi Grand Cross of Naval Merit with white badge (1948) ;
Kidetza	Historiaren Errege Akademia
Zerbitzu militarra
Parte hartutako gatazkak	Espainiako Gerra Zibila
Sinesmenak eta ideologia
Alderdi politikoa	Spanish Nationalist Party (en) ; Espainiar Berrikuntza; FET y de las JONS

Artikulu hau enpresaburuari buruzkoa da; beste esanahietarako, ikus «Javier Ybarra».

Javier Ybarra Bergé^[1] (Bilbo, 1913ko uztailaren 2a - Barazar, 1977ko ekainaren 22a) enpresaburua, idazlea eta politikaria izan zen, ETA politiko-militarrak eraila.

Bizitza

Neguriko goi burgesia osatzen zuten familietako batean jaioa, Deustuko Unibertsitatean ikasi zuen. Espainiako Bigarren Errepublikaren denboran, Partido Nacionalista Español alderdi erregezale ultraeskuindarreko kide izan zen lehenik, eta Renovación Española alderdi erregezale eskuindarrekoa gero. Espainiako Gerra Zibilean borrokatu zen, nazionalen alde; zauritua izan zen, eta hainbat domina jaso zuen. 1963tik 1969 arte, Bilboko alkate izan zen. Bizkaiko Diputazioko buru eta Francoren Mugimendu Nazionaleko kontseilari ere izan zen.^[2]

Haurren lapurreta, salmenta eta legez kanpoko adopzioei lotuta egon zen, besteak beste, María Madre izeneko elkarte bateko kidea eta lehendakaria izan zenean.^[3]^[4]^[5]

Gerra Zibilean izandako bizipenei buruz, historiari buruz eta politikari buruz idatzi zuen. Hainbat enpresatako zuzendaritzan aritu zen: besteak beste, Babcock Wilcox enpresan, hainbat bankutan, eta El Correo egunkarian.

Bahiketa eta hilketa

Banco de Vizcaya banketxeko ordezkari gisa Babcock Wilcoxeko lehendakari zela, 1977ko maiatzaren 20an, ETA politiko-militarrak bahitu zuen. Familiari mila miloi pezetaren erreskatea eskatu zion; gero 500 milioira jaitsi zuen dirutza, baina familiakoek ezin izan zuten dirua bildu. 1977ko ekainaren 22an, ETA politiko-militarrak Bilboko Radio Popular irratira deitu zuen: Javier Ybarra «exekutatua izan da», jakinarazi zuten.^[6] Gorpua Barazarren agertu zen, garondoan tiro bat zuela, eta eskuetan arrosarioa eta meza liburua zituela.^[7]

Hilketaren ondorioak

1977ko ekainaren 15eko hauteskundeetan Araban, Bizkaian eta Gipuzkoan hautaturiko parlamentariek eta haien alderdiek hilketa gaitzetsi zuten. Ideologiaren aldetik ETA politiko-militarrari lotuta zegoen Euskadiko Ezkerra hauteskunde koalizioko hainbat buruk ere gaitzetsi zuten. Jose Luis Elkoro buru zuen Bergarako alkate taldeak ere gogor gaitzetsi zuen erailketa.^[6]

Hilketa horrek ETA politiko-militarraren banaketa eragin zuen. Gehienek Juan Maria Bandresek proposatutako gobernuarekiko negoziazioa onartu zuten. Gainerakoek, Miguel Angel Apalategi eta Pakito Mujika Garmendia buru zituztela, ETA VIII. Biltzarra sortu zuten.^{[erreferentzia behar]}

Idazlanak

Mi diario de la Guerra de España 1936-1939. (1941)
De California a Alaska. Historia de Descubrimiento. (1945)
Política Nacional en Vizcaya. De la Restauración a la República. (1947)

Erreferentziak

↑ Ibarra da abizenaren euskara batuko idazkera (ikus Euskal Onomastikaren Datutegia), baina pertsona ospetsu horren abizenaren grafia oso finkatuta dago Ybarra formarekin.
↑ «El asesinato de don Javier de Ybarra», La Vanguardia, 1977-06-23.
↑ «El franquismo financió la adopción encubierta de niños "abandonados"» www.publico.es 2017-08-11 (Noiz kontsultatua: 2024-02-18).
↑ «Adoptados Bilbao» adoptadosbilbao.blogspot.com (Noiz kontsultatua: 2024-02-18).
↑ Lizarraga Rada, Mikel. (2018). Los niños robados en España: Del exterminio del "gen rojo" al negocio (1940-1990). Nafarroako Unibertsitate Publikoa.
↑ ^a ^b Joseba AGIRREAZKUENAGA eta Mikel URQUIJO (2008): Bilbao desde sus alcaldes: diccionario biográfico de los alcaldes de Bilbao y gestión municipal en la Dictadura, 3. liburukia (1937-1979), Bilboko Udala.
↑ «Atroz asesinato de Javier de Ybarra», ABC, 1977-06-23.

Ikus, gainera

Jose Antonio Ybarra

Datuak: Q3813627

[1] Ibarra da abizenaren euskara batuko idazkera (ikus Euskal Onomastikaren Datutegia), baina pertsona ospetsu horren abizenaren grafia oso finkatuta dago Ybarra formarekin.

[2] «El asesinato de don Javier de Ybarra», La Vanguardia, 1977-06-23.

[3] «El franquismo financió la adopción encubierta de niños "abandonados"» www.publico.es 2017-08-11 (Noiz kontsultatua: 2024-02-18).

[4] «Adoptados Bilbao» adoptadosbilbao.blogspot.com (Noiz kontsultatua: 2024-02-18).

[5] Lizarraga Rada, Mikel. (2018). Los niños robados en España: Del exterminio del "gen rojo" al negocio (1940-1990). Nafarroako Unibertsitate Publikoa.

[BilbokoAlkateak-6] Joseba AGIRREAZKUENAGA eta Mikel URQUIJO (2008): Bilbao desde sus alcaldes: diccionario biográfico de los alcaldes de Bilbao y gestión municipal en la Dictadura, 3. liburukia (1937-1979), Bilboko Udala.

[7] «Atroz asesinato de Javier de Ybarra», ABC, 1977-06-23.

[1]

[2]

[3]

[4]

[5]

[6]

[7]