Clarence Leonidas Fender (Anaheim, 1909ko abuztuaren 10a - Fullerton, 1991ko martxoaren 21a) asmatzaile eta luthier estatubatuarra izan zen. Fender (edo Fender Electric Instrument Manufacturing Company), gaur egun Fender Musical Instruments Corporation izena daukana, tresna elektrikoak fabrikatzeko konpainia sortu zuen, eta, geroago, G&L Musical Products (G&L Guitars) konpainia. 1950etik berak diseinatutako gitarra elektrikoak, baxuak eta anplifikadoreak mende erdi baino gehiago daramate herri-musika menderatzen. Leo Fender eta Les Paul gitarra-jolea dira aipatuak, XX. mendeko tresna elektrikoen garapenean eragin handiena duten bi pertsonak bezala. Tradizionalki aipatzen da Les Paul-en marka, Gibson, gitarra elektrikoen fabrikazioan Fenderren lehiakide serioena izan dela, eta, egia esan, eraikuntza-diseinu eta filosofia oso desberdinak izanik, eta historian zehar txandakako arrakasta izan dutela.
