Dizze side giet oer de eardere gemeente Boalsert . Foar de stêd, sjoch: Boalsert .
Boalsert (Nederlânsk en offisjeel: Bolsward ) is in eardere gemeente yn it westlike part fan 'e Nederlânske provinsje Fryslân . Dizze gemeente omfieme inkeld de stêd Boalsert mei syn histoaryske klokslach . De gemeente hie op 1 jannewaris 2010 in befolking fan 9.916 minsken , en besloech in oerflak fan 9,42 km² , wêrfan 0,3 km² wetter .
Skiednis
De stêd Boalsert krige yn 1455 stedsrjochten , wat beskôge wurde kin as it begjin fan it gemeentlik bestjoer. It wie ien fan 'e Hânzestêden , sa't noch oan 'e flagge te sjen is.
De gemeentlike weryndieling fan 1984 gie oan Boalsert foarby om't de gemeente doe krekt omtrint it minimumoantal fan 10.000 ynwenners hie. Op 1 jannewaris 2011 gie de gemeente Boalsert lykwols by in nije gemeentlike weryndieling yn 'e mande mei de gemeenten Nijefurd , Snits , Wymbritseradiel en Wûnseradiel op yn 'e nije fúzjegemeente Súdwest-Fryslân .
Kultuer
Yn Boalsert waard njonken Frysk en Nederlânsk ek in Stedsk dialekt sprutsen, it Boalsertersk .
Tsjintwurdich fynt yn Boalsert de start plak fan 'e Alvestêdetocht op de fyts . Fierders stiet de stêd bekend om û.m. de Heamieldagen en Bolletongersdei .
Sjoch ek
Keppeling om utens
De Appelmerk (strjitte) yn Boalsert . Foto: Tage Olsin.