Yn de film wurdt Aldfrysk en Aldingelsk sprutsen. It senario fan de film is dêrom troch Rolf Bremmer, heechlearaar yn beide talen oan de Universiteit fan Leien, oersetten en ynsprutsen. Yn it senario waarden de teksten fan Bonifatius earst yn it Aldingelsk oersetten en dy fan syn learling Gregoarius en harren tsjinspilers yn it Aldfrysk. Aldingelsk en Aldfrysk binne deade talen, sadat Bremmers de akteurs helpe moast by de útspraak. Yn Leien kamen de akteurs op it lêst nochris by elkoar om mei regisseur Thijs Schreuder de Latynske, Aldfryske en Aldingelske teksten te oefenjen. De rol fan Bonifatius wurdt spile troch Jan Decleir.
Ynhâld
It is it jier 754. It Kristendom waait as in stoarm troch Europa, mar yn Fryslân biede de lêste stammen noch ferset. De jonge muonts Gregorius is ferkeazen om mei biskop Bonifatius noch in lêste kear te besykjen om de heidenske Friezen te bekearen ta it kristendom. Tegearre reizgje se nei it hert fan it Fryske keninkryk: de hillige Doanar-iik.
Foar de film is gebrûk makke fan itselde produksjeproses as by de ferfilming fan Lord of the Rings en Pirates of the Caribean. Yn septimber en oktober 2010 wie de film te sjen op it Nederlânsk Film Festival yn Utert.