Els Perdok (folút: Elsina Perdok-Van Bon; Skiermûntseach, 2 july 1925[1] – Feanwâlden, 8 novimber 2017) wie in Frysk wurdboekgearstalster, dichteresse en publisiste yn it Skiermûntseagerske dialekt.
Karriêre
Yn 'e njoggentiger jierren stalde hja in nije wurdlist fan it Skiermûntseagersk gear, dy't úteinlik nei in jier as njoggen yn 2001 yn útwreide foarm op it eilân publisearre waard as it 400 siden tellende Woordenboek Nederlands-Schiermonnikoogs, by de Kultuerhistoaryske Feriening 't Heer en Feer. Foar de tastânkomming fan it tritichtûzen wurden tellende Eilander Wezzenbúek, gearstald troch Willem Visser en Siebren Dyk, dat yn 2002 by de Fryske Akademy útkaam, is û.m. gebrûk makke fan Perdok har wurdlisten. Fierders publisearre Perdok oer har dialekt en skreau se der ek gedichten yn. Hja wie de suster fan 'e Skiermûntseager 'trûbadoer' Henriëtte Pieperiet-Van Bon.
Wurk
- 1991 – Lytje Darpen (skôging, yn: Fryske Skriuwerskalinder 1992)
- 2001 – Woordenboek Nederlands-Schiermonnikoogs
- 2002 – Hest (gedicht, yn: it Frysk Deiblêd, 3 okt.)
- 2003 – Fúetlasken (skôging, yn: Om de Noord)
Boarnen, noaten en referinsjes
| Boarnen, noaten en/as referinsjes:
|
- ↑ Artikel oer Els Perdok yn it doarpsblêd fan Skiermûntseach wêryn't har bertedatum neamd wurdt (pdf-bestân)
- Jansen, Mathilde, en Oostendorp, Marc van, Taal van de Wadden, De Haach, 2004 (Sdu Uitgevers), ISBN 978-9 01 20 97 130, s. 79, 94-95.
- Perdok, Els, Woordenboek Nederlands-Schiermonnikoogs, Skiermûntseach, 2001 (Kultuerhistoaryske Feriening " 't Heer en Feer").
|
