Hy skreau benei tweintich romans, faak bestsellers, mar ek koarte ferhalen, essays en toanielstukken. Syn meast ferneamde boek is Slaughterhouse-Five oer it bombardemint op Dresden yn 1945, dêr't Vonnegut sels by wie doe't er kriichsfinzene wie.
Nettsjinsteane syn súkses hie Vonnegut lest fan depresjes; yn 1984 besocht er om himsels tekoart te dwaan.[1]
Vonnegut wie troud mei Jill Krementz. Hy stoar april 2007 nei in fal fan in trep yn syn hûs yn New York, in tal wiken earder, oan breinskea.[2]
Tema's en styl
In sintraal tema yn syn wurk is de futiliteit fan alle minsklik krewearjen. Vonnegut kombinearre in, sa't it like, ienfâldige skriuwstyl mei swarte humor en satire.
Vonnegut brocht syn tinken faak oer fia it yn ferskate romans weromkommende personaazje Kilgore Trout, in skriuwer fan absurde- en sciencefictionferhalen. Hy makke de yllustraasjes fan syn boeken sels, mei ienfâldige faak op graffiti lykjende tekeningen, dy't somtiids tinke dogge oan it wurk fan Keith Haring en Paul Klee.
Bibliografy
Romans
Player Piano (1952)
The Sirens of Titan (1959)
Mother Night (1961)
Cat's Cradle (1963)
God Bless You, Mr. Rosewater, or Pearls Before Swine (1965)
Slaughterhouse-Five, or The Children's Crusade (1969)
Breakfast of Champions, or Goodbye, Blue Monday (1973)
Slapstick, or Lonesome No More (1976)
Jailbird (1979)
Deadeye Dick (1982)
Galápagos (1985)
Bluebeard (1987)
Hocus Pocus (1990)
Timequake (1997)
Koarte-ferhalebondels
Canary in a Cathouse (1961)
Welcome to the Monkey House (1968)
Bagombo Snuff Box (1999)
Essay's
Wampeters, Foma and Granfalloons (1974)
Palm Sunday by Kurt Vonnegut, An Autobiographical Collage (1981)
Fates Worse than Death (1991)
God Bless You, Dr. Kevorkian (1999)
A Man Without a Country (2005)
Toanielstikken
Happy Birthday, Wanda June (1970)
Between Time and Timbuktu, or Prometheus Five (introductie door Vonnegut) (1972)