Is éard is toirchiú in vitro (TIV)[1] ann ná próiseas toirchithe ina gcomhcheanglaítear ubh le speirm in vitro (" i ngloine").[2] Is éard atá i gceist leis an bpróiseas ná monatóireacht agus spreagadh a dhéanamh ar phróiseas ubhsceite mná, ubhán nó ubháin (ubh nó uibheacha) a bhaint as a hubhagáin agus ligint do speirm iad a leasú i meán saothrúcháin i saotharlann. Tar éis don ubh leasaithe (siogót) dul faoi saothrúchán ar feadh 2 -6 lá, aistrítear é le cataitéar isteach san útaras, le rún toircheas rathúil a bhunú.
Próiseas
Is cineál theicneolaíocht atáirgthe chuidithe é TIV a úsáidtear le haghaidh cóireála neamhthorthúlachta agus máthairionadaíochta le linn toirchis. D'fhéadfadh ubh toirchithe ó dheontóir ionchlannú a dhéanamh i útaras na máthar ionad, agus níl baint ghéinmhodhnaithe ag an leanbh a eascraíonn as sin leis an uterus ionaid.[3]
Céimeanna
Tugtar drugaí don bhean chun ubhsceitheadh a spreagadh. Níos cruinne fós, tugtar hormóin a spreagann foirmiú 2+ uibheacha san ubhagán.
Díreach roimh ubhsceitheadh, faightear roinnt de na hubháin a fhuasclaítear ó dhromchla na n-ubhagán le laparascóp. Úsáidtear snáthaid chun na huibheacha a bhaint amach. Cuirtear i meán cuí cothaitheach iad, agus cuirtear na speirmeacha leo ansin.
Tar éis 40 uair, déantar na hubháin a scrúdú chun déanamh cinnte de go bhfuil siad toirchithe.
Cuirtear roinnt uibheacha toirchithe i mbroinn na máthar ag súil go dtarlóidh ionphlandú do cheann dóibh. Ansin aistrítear ubhán toirchithe (4-8 cill) ar ais don bhroinn tríd an bhfaighin is an ceirbheacs.
Ansin leanfaidh gnáth-thoircheas b'fhéidir. Tarlaíonn toircheas rathúil i 10-20% de na cásanna.[4]
Saolaíodh an leanbh Louise Brown trí ghearradh Caesarach : an cnáimhseoir Dr John Webster
Tá roinnt tíortha tar éis infhaighteacht cóireála TVF a thoirmeasc nó a rialáil ar shlí eile, rud is cúis le turasóireacht thorthúlachta. I measc na srianta ar infhaighteacht TIV tá costais agus aois, chun go mbeidh bean in ann toircheas sláintiúil a iompar go dtí aibíocht.
Bronnadh Noberl ar Robert G. Edwards, 2015
Stair
Rugadh an chéad leanbh triaileadáin, Louise Brown, ar an 25 Iúil1978, tar éis dá máthair cóireáil TIV a fháil.[5] Saolaíodh an leanbh trí ghearradh Caesarach. Rugadh Brown mar thoradh ar thimthriall nádúrtha TIV, gan aon spreagadh. san Ospidéal Oldham (Ospís an Dr Kershaw anois)[6] i Royton, Oldham, Sasana agus Dr Patrick Steptoe agus John Webster i mbun.[7]
Bronnadh Duais Nobel na Fiseolaíochta nó an Leighis ar Robert G. Edwards[8] sa bhliain 2010. Chuir an fiseolaí cóireáil ar Brown, in éineacht le Patrick Steptoe agus an sutheolaí Jean Purdy (ach ní bhfuair an dá cheann acu Nobel mar gur bhásaigh siad agus ní bhronntar an Duais Nobel tar éis bháis).[9][10]
Ar an 28 Márta 1984, rugadh Zoe Leyland,[11] leanbh triaileadáin, i Melbourne san Astráil…an chéad bhreith riamh ó thoirchiú In-vitro … agus suth reoite, a bhuí leis an teicneolaíocht nua-aimseartha ag an am, crió-chaomhnú[12] agus nítrigin leachtach (tharla breith Louise Brown gan crió-chaomhnú).[13][14]
_-_English.png)
.jpg)