Adrian Sutil, nado o 11 de xaneiro de 1983 en Starnberg, Alemaña, é un piloto de Fórmula 1. Após seren piloto de probas de Midland F1 Racing no 2006, a nova escudería que xurdiu desta, Spyker F1, ascendeuno a segundo piloto titular para o 2007, onde consegiu o primeiro punto da escudería na súa historia. O novo equipo que xurdiu da venda da escudería holandesa, Force India F1, confirmouno para o 2008 escudería na que correu ata 2011. Despois do ano 2012 en branco. Na tempada 2013 volveu con Force India.
Traxectoria
Sutil comezou no karting á idade de 14 anos e pasouse as carreiras dun só asento en 2002 na Swiss Formula Ford serie onde gañou o título. Participou na Fórmula Masters Austria antes de entrar na Fórmula BMW ADAC en 2003. Sutil correu na Fórmula 3 Euroseries, onde foi o segundo por detrás de Lewis Hamilton en 2005. Foise ao Xapón en 2006 para competir na Fórmula Tres xaponesa e tamén terminou terceiro no Gran Premio de Macau.
Logo de ter estado involucrado como probador no equipo Midland F1, Sutil foi promovido a un posto en carreira para o novo equipo Spyker F1 en 2007. Sutil seguiu co equipo baixo a súa nova denominación Force India en 2008, onde permaneceu ata 2011. Fixo o seu regreso ao deporte no ano 2013 de novo con Force India.
Biografía
Sutil é o fillo dos músicos profesionais Monika, alemá, e Jorge, un uruguaio.[1] Ten dous irmáns, chamados Daniel e Rafael. Pesa 75 quilogramos e mide 183 centímetros de altura. Talentoso pianista,[2] Sutil comezou no karting aos 14 anos antes de marchar a Fórmula Ford 1800 Suíza no ano 2002. Gañou as dez roldas da tempada desde a pole e logrou cinco vitorias no campionato Fórmula Masters de Austria. Sutil fala con fluidez Alemán, Inglés e español e un pouco de Italiano. É amigo do piloto alemán Nico Rosberg.
Resultados completos na Fórmula Un
(Chave) As carreiras en letra grosa indican pole position; as carreiras en cursiva indican volta rápida.
Notas
Véxase tamén
Bibliografía
Outros artigos
Ligazóns externas
