Kisan Baburao Hazare, máis coñecido como Anna Hazare, nado en Bhingar, Maharashtra, o 15 de xuño de 1937, é un activista social da India, líder do movemento anticorrupción no país en 2011, usando métodos non-violentos, como Mahatma Gandhi.[1][2]
Traxectoria
Hazare tamén contribuíu para o desenvolvemento e estruturación de Ralegan Siddhi, unha vila no taluka de Partner, en Ahmednagar, Maharashtra. Foi premiado co Padma Bhushan en 1992 polos seus esforzos en estabelecer esta aldea como un modelo para as outras.
Anna Hazare iniciou unha folga de fame indefinida o 5 de abril de 2011 para exercer presión sobre o goberno indio para promulgar unha lei anticorrupción. O xexún encheu de protestas todo o país en apoio a Hazare, e terminou o 9 de abril de 2011, un día despois do goberno aceptar as esixencias de Hazare. O goberno emitiu unha notificación sobre a formación dunha comisión mixta, composta de representantes do goberno e da sociedade civil, para elaborar a lexislación.[3][4]
Anna Hazare foi clasificado como a persoa máis influente en Mumbai por un xornal nacional.[5] Hazare foi criticado polos seus puntos de vista autoritarios na xustiza, incluíndo a morte como punición para funcionarios públicos corruptos e polo seu suposto apoio forzado á vasectomía como método de planeamento familiar.[6][7].
Notas
Véxase tamén
Ligazóns externas
