Empezou a estudar maxisterio pero non chegou a terminar a carreira, agora proba a estudar a distancia filoloxía inglesa, lingua que coñece á perfección.
Primeiros traballos como actor
O seu primeiro traballo como actor foi na serie de televisión Médico de Familia na cal tivo un pequeno papel durante o episodio 8 da segunda tempada: "Cuando digo no, es no". Alí interpretou a Juanma, un amigo de Alberto que violou á súa noiva. Tamén participou noutras series como La casa de los líos ou Al salir de clase.
Pero a fama non chegou a este madrileño ata que lle elixiron como reporteiro de Caiga Quien Caiga onde estivo desde 2005, cando volveu a cargo de Manel Fuentes, ata 2007.
Presentou Pasapalabra dende xullo de 2007 ata outubro de 2019, tempo no que se emitiron máis de 3000 edicións do programa, que foi gañador do TP de Ouro ao mellor concurso de 2008 e 2009. Desde o 1 de xaneiro de 2008 colabora no concurso de descubrimento de novos talentos Tú sí que vales. En decembro de 2008 estreou tamén en Telecinco o concurso Operación Tony Manero, o cal non tivo moito éxito. En 2009, compaxinou con Pasapalabra o reality Supervivientes, xa que Jesús Vázquez abandonou o programa para presentar Operación Triunfo 2009 e o madrileño colleulle a substitución.
En xaneiro de 2011, presentou a gala benéfica Juntos en Telecinco.
Christian a carón da súa muller Almudena Cid na Copa do Mundo de Portimão (2008).
Anteriormente estivo con Veruska Ramírez. Christian Gálvez coñeceu a Almudena Cid en Pasapalabra cando foi de invitada. Sentiuse atraído por ela nada máis vela, pediulle o teléfono ao seu representante e comezaron a falar. Foron noivos durante tres anos, desde 2007 ata 2010. A proposición de matrimonio foi en París.
