Década de 450

450

Artigo principal: 450.

Atila ataca o Imperio Romano de Oriente.
25 de agosto — Marciano é proclamado emperador do Oriente romano por Aspar, magister militum (xeneral), e Pulqueria, emperatriz.

Coménzanse os frescos do rochedo de Sigirîya en Sri Lanka, templos de Aihole (450-650).

Artigo principal: 451.

Os hunos, ao mando de Atila, cruzan o río Rin.
Xenoveva, patroa de París (Francia), deféndea contra os hunos.
20 de setembro - Batalla dos Campos Cataláunicos: visigodos, francos e romanos, aliados, derrotan a Atila, rei dos hunos.
Os visigodos elixen a Turismundo como rei, sucedendo a Teodorico I (até 453).

Artigo principal: 452.

O Papa León I Magno sae ao encontro de Atila e faino desistir do saqueo de Roma
11 de decembro - Grávase a derradeira inscrición coñecida na escritura demótica exipcia, na illa de Filae.

Artigo principal: 453.

Artigo principal: 454.

O emperador Valentiniano III envía unha embaixada aos suevos.
Ostrogodos e xépidos rebélanse contra os fillos de Atila, que son vencidos, ao mando dos seus hunos, na batalla de Nedao, na Dalmacia.
- Os ostrogodos aséntanse na Panonia e na Tracia como federados do Imperio romano.

Artigo principal: 455.

16 de marzo : Asasinato de Valentiniano III e inicio do goberno de Petronio Máximo, emperador romano de Occidente.
- O asasinato do emperador e o casamento pola forza de Eudoxia, a súa viúva, por parte de Petronio, fan que aquela chame aos vándalos no seu auxilio.
2 de xuño - 16 de xuño - Saqueo de Roma: os vándalos, chegados desde África norte, so o mando de Xeiserico (ou Xenserico), toman Roma e sométena a pillaxe, pasando logo para Sicilia. Xeiserico torna para África cun enorme botín e numerosos cativos, incluíndo a viúva e as fillas do que fora emperador, Valentiniano III.

Artigo principal: 456.

O Papa León I obtén do rei vándalo Xenserico clemencia para os romanos
Capua, Italia, é destruída polos vándalos.
- Ricimero, magister militum dos romanos, vence os vándalos nun encontro naval preto de Córsega.
O emperador romano Avito é apresado en Piacenza polos xenerais Ricimero e Maioriano, sendo deixado morrer de fame por este último.
5 de outubro - Batalla do Órbigo: as beiras dese río, cerca de Astorga, os visigodos, dirixidos por Teodorico II, derrotan as tropas suevas, mandadas polo rei Requiario, que regresaban de correría pola provincia Cartaxinense.
- 27 de outubro - Teodorico II saquea Braga, capital do reino suevo.

Artigo principal: 457.

León I convértese en Emperador do Imperio Bizantino.
Maiorano convértese no novo emperador romano de Occidente (até 461).
Khilderico I convértese en Rei dos Francos Salios.
Os burgundios toman a cidade de Lugdunum ([hoxe [Lión]]) na Galia.
Teodorico I, rei visigodo, saquea Asturica Augusta (hoxe Astorga) e Pallantia (Palencia).
- Os godos prenden a Requiario, rei dos suevos, en Portucale (Porto) e lévano perante o seu rei, Teodorico I, quen ordena matalo.

Artigo principal: 458.

Maioriano emperador romano de Occidente,recupera Lugdunum (Lión), na Galia, ocupada no ano anterior polos burgundios.

Artigo principal: 459.

Os suevos saquean a cidade de Lugo.
- Bandas de hérulos desembarcan na costa norte de Gallaecia.