División de Honra B de Rugby 2011-2012

A tempada 2011-2012 da División de Honra B foi a décimo cuarta edición da segunda división da liga de rugby de España, categoría creada en 1998 pola Federación Española de Rugby.

Nesta edición o número de participantes mantívose en dezaseis, e o formato de competición tivo un troco salientable. O torneo contou con dous grupos de oito equipos cada un. O "Grupo 1" estivo formado por oito equipos da metade norte de España, mentres que o "Grupo 2" estivo formado por oito equipos da metade sur de España, cos equipos de Madrid repartidos entre os dous grupos.

Cada grupo funcionou como unha competición independente durante a fase de liga regular, trala cal os equipos dos dous grupos se cruzaron para definir as posicións finais. Os dous primeiros equipos de cada grupo se enfrontaron entre si para definir os postos do un ó catro. Os dous seguintes equipos de cada grupo se enfrontaron entre si para definir os postos do cinco ó oito. Os dos seguintes equipos de cada grupo se enfrontaron entre si para definir os postos do nove ó doce. Os dous peores equipos de cada grupo se enfrontaron entre si para definir os postos do trece ó dezaseis.

Os equipos que remataron a segunda fase nos dous primeiros postos do torneo acadaron o ascenso directo á División de Honra, mentres que o terceiro tivo que disputar unha eliminatoria de promoción para tentar ascender. Por outra banda, os dous últimos tiveron unha eliminatoria de promoción pola permanencia contra equipos da Primeira Nacional.

A liga regular contou con 14 xornadas divididas en dúas voltas nas que cada equipo xogou dúas veces contra cada rival do seu grupo, unha vez como local e outra como visitante, usando o seguinte sistema de puntuación: catro puntos por vitoria, dous por empate, e puntos "bonus" adicionais no caso de anotar catro ensaios ou máis e no caso de perder por sete puntos ou menos.

Posto	Equipo	Puntos	PX	PG	PE	PP	PF	PC	B
1º.	Hernani C.R.E.	69	14	14	0	0	449	138	13
2º.	Bera Bera R.T.	54	14	11	0	3	417	245	10
3º.	Oviedo R.C.	36	14	7	0	7	379	313	8
4º.	Independiente R.C.	28	14	6	0	8	274	412	4
5º.	C.D. Hercesa	28	14	5	0	9	335	393	8
6º.	F.C. Barcelona	27	14	5	0	9	225	321	7
7º.	R.C. L'Hospitalet	25	14	5	0	9	218	304	5
8º.	Durango R.T.	16	14	3	0	11	218	389	4

Posto	Equipo	Puntos	PX	PG	PE	PP	PF	PC	B
1º.	C.R.C. Pozuelo	63	14	13	0	1	524	121	11
2º.	C.R. Cisneros	55	14	11	0	3	506	181	11
3º.	C.R. Liceo Francés	40	14	7	1	6	387	278	10
4º.	C.R. Les Abelles	37	14	8	0	6	257	290	5
5º.	C.A.U. Valencia	33	14	7	0	7	264	340	5
6º.	C.R.A. Portuense	29	14	6	0	8	238	351	5
7º.	C.D. Arquitectura	15	14	2	1	11	205	401	5
8º.	Helvetia Rugby	7	14	1	0	13	148	567	3

	Semifinais					Final
	C.R.C. Pozuelo	27	15
	Bera Bera R.T.	23	16
					C.R.C. Pozuelo	21
					C.R. Cisneros	32
						3º e 4º posto
	Hernani C.R.E.	16	13		Bera Bera R.T.	20	18
	C.R. Cisneros	23	7			Hernani C.R.E.	35	18

O campión da categoría foi o C.R. Cisneros, que acadou o ascenso directo ó igual que o equipo finalista C.R.C. Pozuelo. O terceiro clasificado Hernani C.R.E. disputou a promoción contra o C. Alcobendas R. acadando o equipo vasco o ascenso despois de gañar na ida como local por 19-18 e na volta como visitante por 6-8.

	Semifinais					5º e 6º posto
	C.R. Liceo Francés	18	33
	Independiente R.C.	24	17
					C.R. Liceo Francés	17	33
					Oviedo R.C.	34	3
						7º e 8º posto
	C.R. Les Abelles	14	-		Independiente R.C.	22
	Oviedo R.C.	20	-			C.R. Les Abelles	33

	Semifinais					9º e 10º posto
	C.A.U. Valencia	39	36
	F.C. Barcelona	15	12
					C.A.U. Valencia	42
					C.D. Hercesa	33
						11º e 12º posto
	C.D. Hercesa	17	39		F.C. Barcelona	12
	C.R.A. Portuense	36	10			C.R.A. Portuense	31

	Semifinais					13º e 14º posto
	C.D. Arquitectura	19	52
	Durango R.T.	15	20
					C.D. Arquitectura	22
					Helvetia Rugby	27
						15º e 16º posto
	R.C. L'Hospitalet	9	20		Durango R.T.	7
	Helvetia Rugby	20	10			R.C. L'Hospitalet	22

Durango e L'Hospitalet, como últimos clasificados, tiveron que disputar a promoción pola permanencia fronte a dous equipos da Primeira Nacional, o Belenos asturiano e o Zarautz vasco, vencendo tódolos encontros, de xeito que os dous acadaron a permanencia e ningún equipo perdeu a categoría.

• Resultados das competicións nacionais 2011-2012 (en castelán)

• División de Honra de Rugby 2011-2012