El Hormiguero é un programa de televisión español con espectadores en directo que se centra na comedia, a ciencia e a actualidade. Comezouse a emitir en setembro do 2006 nas tardes do domingo; na actualidade emítese de luns a xoves á noite e os sábados (programa resumo dos mellores momentos). Está presentado e dirixido por Pablo Motos e emítese en Antena 3 (anteriormente en Cuatro), unha canle de televisión española. O programa conta coas colaboracións de Luis Piedrahita(sección de monólogos), Raquel Martos (sección Pillería si, Delincuencia non adicada ó aforro e sección Vaise liar parda sobre a guerra de sexos), FlipyO Científico Tolo (sección de ciencia), Juan e Damián (sección O quiosco), Jandro (sección Experto en...), Marron (seccións Efecto mariposa e Supervivencia) e as marionetas formiga Trancas e Barrancas. Tivo un grande éxito cun índice de audiencia alto, e ampliouse ligando un programa dominical de 120 minutos e un programa diario (de luns a venres) de 40 minutos na súa terceira tempada, que comezou o 17 de setembro do 2007[1][2].
El Hormiguero bateu o seu récord de audiencia o 21 de abril de 2009 coa visita de Hannah Montana, ao ser visto por 2 833 000 espectadores, o que lle reportou unha cota de pantalla do 16,2%[3]. O récord anterior databa do 12 de marzo de 2008, día no que o programa contou coa presenza de David Batista, antigo Campión Mundial de Pesos Pesados, da WWE, alcanzando os 2 731 000 espectadores e un share máximo do 14.6%[4].
Colaboradores
Colaboradores actuais
Trancas: É unha das formigas. Presenta o programa xunto con Pablo Motos e as súas compañeiras Barrancas e Petancas. Ponlle voz e movemento Juan Ibáñez Pérez. Propón ao convidado diferentes xogos.
Barrancas: É unha das formigas. Presenta o programa xunto con Pablo Motos e as súas compañeiras Trancas e Petancas. Ponlle voz e movemento Damián Mollá. El e Trancas fan diversas preguntas ao convidado e propóñenlle xogos.
Petancas: É unha das formigas. Sal de vez en cando no programa xunto con Barrancas e Pablo Motos.
Marrón: Realiza a sección de ciencia, antes dirixida por Flipy, e as películas ou series convertidas en musicais. Ao inicio das súas aparicións, sempre realizaba un curioso baile acompañado por Pablo Motos, pero xa non o fai. Antes realizaba as seccións "Maestro empanado", "Efecto mariposa", "Supervivencia", "Toma buena" e "Medicina show".
Jandro: É "El experto en todo". Preciase de ser o experto na materia da que trate a ocupación do convidado e proponlle ideas descabeladas en forma de obxectos extravagantes e estraños sen ningún sentido. Sempre di ser o maior fan do convidado. Tamén fai de vez en cando maxia, e ten unha sección mensual con Yunque. Ademais facía cámaras ocultas a nenos.
Juan Ibáñez Pérez: Dirixe en colaboración con Damián Mollá. Actualmente fai a sección "Guía de supervivencia para parejas". Pon voz e movemento a Trancas e a Petancas.
Damián Mollá: Dirixe en colaboración con Juan Ibáñez Pérez. Actualmente fai a sección "Guía de supervivencia para parejas". Pon voz e movemento a Barrancas.
Luis Piedrahíta: Presenta a sección "Timadores al descubierto" e "¿A quién va usted a creer?". Tamén fai trucos de maxia.
Yunque: Ten unha sección mensual con Jandro na que fan maxia.
Sergio Fernández Meléndez El Monaguillo: Presenta a sección Ingenio Japonés.[5] Tras varios intentos,[6] finalmente consegue que o 27 de xuño de 2017 o renove durante unha tempada.[7]
Ana Morgade: Presenta a sección Lo último de Internet.
Pilar Rubio: Presenta a sección Los retos de Pilar.
Manuel Sarriá: Presenta a sección La ruleta loca. Anteriormente facíao con Las cajas de Manolo.
Yibing Cao: Presenta a sección Descubriendo China.[8] e presenta as curiosidades máis raras da República Popular China.[9] Substitúe a Anna Simon, tras a súa ausencia debido a súa apertada axenda, pero ao final gañouse un oco no programa.[10]
Ernesto Sevilla: Presenta unha sección na que fala dalgún tema. Anteriormente facíao con A mi manera.
Sergio González "Suko": Presenta a sección El espía tecnológico onde demostra que Internet coñece todos os nosos datos do que os móbiles nos espían.
Antigos colaboradores
Flipy: Realizou a sección da ciencia todos os lunes a xoves ata 2010. O antigo científico tolo que protagonizaba a sección de ciencia do programa. Era un dos colaboradores principais e facía experimentos a diario, ás veces moi complicados, coa axuda de Pablo e os convidados da noite. De vez en cando disfrazábase de muller e actuaba baixo o nome de "Flipa", no papel da súa irmá. Flipa facía o mesmo que Flipy, aínda que sempre se entusiasmaba cos convidados guapos que pasaban polo programa. Levaba unha carpeta recuberta con fotos de famosos. Actualmente, Flipy marchou do programa, abandonando a estes dous personaxes, e Marron sustituíuno.
Toño Tejerina (Toño): El Diablo sobre Ruedas", antigo monologuista. Cos seus monólogos demostraba que, incluso nun estado de mobilidade reducida, xamais perde o soriso e o sentido do humor.
Raquel Martos: Realizaba seccións como Se va a liar parda o Hashtag luego entre outras.
Carlos Jean: Realizaba a sección musical El plan B.
David Rubio: Guionista que mensualmente presentaba monólogos.
Sergi Mas: Recopilaba as novas máis curiosas da prensa.
Anna Simon: Realizaba as seccións Las formas más originales de... y Juega en casa.
Los Chunguitos: Realizaban a sección Chunguicine onde comentaban as últimas estreas de cine.
El Hombre de Negro: Colaboraba na preparación ou execución de experimentos na sección de ciencia. A partir da cuarta tempda realiza a sección Arte a lo bestia. Coñecido por ser moi sinestro, frío e calado e vestir sempre gabardina negra, botas e lentes de sol, evocando a estética de personaxes da saga fílmica Matrix. Obxecto de admiración das formigas, pero á vez de burla, ás cales ás veces contan chistes sobre el. Irmán de Juan Ibáñez Pérez. En marzo de 2017 abandonou o programa.[12]
Mario Vaquerizo: representante, escritor, cantante e colaborador de radio e televisión. Casado con Alaska.
Agustín Jiménez: Guionista que mensualmente presentaba monólogos.
Mónica Cruz: Participou como colaboradora na 12ª temporada do programa.[13][14] A súa sección chamábase Mónica cool onde ensinaba como sobrevivir ás últimas tendencias.[11]
C.J.: Foi unha formiga, filla de Trancas. Presentou o programa xunto con Pablo Motos, Trancas e as súas compañeiras Barrancas e Petancas. Tratábase do fillo de Trancas. Foi característico pola súa unicella, a súa divertida maneira de interromper a Pablo ademais do seu costume de golpear a cabeza coa mesa cando se poñía nervioso.
Emilio Aragón: Presentaba a sección Covers, na que facía versións sorprendentes de cancións de todos os tempos.
Mario Alonso Puig: Médico especialista en cirurxía xeral e do aparato dixestivo. Axudaba a entender mellor o corpo humano por dentro.
Carles Torrecilla: Profesor de economía da ESADE. Axudaba a entender mellor a economía.
Patricia Montero: Presentaba a sección La última superviviente, na que daba claves para superar situacións límite.
Markus Oberhauser: Como o reporteiro alemán Wolfgang Maier, realizou a sección El español del año e diversas entrevistas a pé de rúa.
Javier Botet: Actor que interpretaba á criatura Gresky.
Rubén Prieto: Presentaba a sección El gallego sin miedo.
Álex Clavero: Guionista que mensualmente presentaba monólogos.
J.J. Vaquero: Guionista que mensualmente presentaba monólogos
Juan del Val: Guionista de varias seccións do programa. Aparece de maneira esporádica durante as intervencións de Nuria Roca e participa no programa como tertuliano.
Santiago Segura: Participa no programa como tertuliano. Realizaba seccións como Torrente 5: El casting ou Hay una bronca para ti.
Jorge Salvador: É o director do programa. Realiza a sección Momentos y anécdotas vividas en El Hormiguero.
Pablo Motos xunto ás formigas Trancas e Barrancas no plató do programa El hormiguero durante a sección "Hormiguero Nius".
Programas máis vistos
30 de xaneiro de 2017: O programa contou coa primeira aparición pública da cantante Isabel Pantoja, 10 meses despois do seu paso por prisión,[15] conseguindo así o seu máximo histórico de audiencia con 4.783.000 espectadores e un 23,8% de cota de pantalla.[16] A entrevista conseguiu o minuto de ouro do día ás 22:54 horas, con 5.996.000 espectadores e un 30% de cota.[17]
10 de outubro de 2019: Con Santiago Abascal Conde. Con 4.049.000 espectadores e o 23,5% de cota logra ser o seu terceiro programa máis visto da historia e o segundo coa mellor cota.
16 de novembro de 2015: O programa rebasa por primeira vez os catro millóns de espectadores (4.172.000) coa visita de Bertín Osborne e consegue a terceira mellor marca da súa historia (20,4%).[18]
7 de abril de 2015: Consegue ata ese momento o seu récord histórico, coa visita de Isabel Preysler ao programa. O espazo alcanzou 3.855.000 espectadores cun 19,4% de cota de audiencia.[19]
24 de marzo de 2015: Obtivo o récord histórico de espectadores (ata ese momento), coa quinta visita de Will Smith ao programa, que esta vez se trasladou a Londres para promocionar a película Focus xunto á actriz Margot Robbie. O espazo logrou 3.697.000 espectadores cun 17,5% de cota de audiencia.[19][20]
10 de febreiro de 2015: Bateu o seu récord histórico (ata ese momento), cando tivo como convidado ao presentador dos Goya 2015 e gañador do Goya ao actor revelación, Dani Rovira conseguindo 3.599.000 espectadores e 17,6%,[21][19] quedándose a solo tres décimas do récord de cota de pantalla (17,9%) que tiña Antena 3 ata ese momento con Will Smith e o seu fillo o 24 de xuño de 2013. Xa que Cuatro posuía o máximo absoluto (19,7%),[22] tamén con Will Smith, na estrea da quinta tempada o 26 de agosto de 2010.
26 de agosto de 2010: Con Will Smith e Jackie Chan batiron récord histórico de audiencia (2.442.000 espectadores e 19,7% de cota de pantalla), conseguindo o minuto de ouro ás 22:42 horas (3.496.000 espectadores e 26,5%).
16 de decembro de 2014: O programa con Frank Cuesta como convidado, situose como o segundo programa máis visto con 3.434.000 espectadores (16,6%).[25]
31 de agosto de 2015: Estreouse a décima tempada de El hormiguero e conseguiu o máximo histórico de cota de audiencia do programa, coa visita de Alejandro Sanz, reunindo ao 20,5% do público que vía a televisión, o que se traduciu en 3.326.000 espectadores.[26]
17 de setembro de 2014: Con Pedro Sánchez, conseguindo 2.754.000 espectadores e un 15,5% de cota de pantalla,[29] aumentando 1,5 puntos a cota de audiencia respecto ao mes anterior.[30]
Programa 400: 27 de xuño de 2009. Non se fixo nada especial, xa que era sábado, pero o programa seguinte que era o último da tempada puxeron un resumo dos 400 programas.
Programa 500: 24 de febreiro de 2010. Foi Mel Gibson. Apareceu o avatar de Pablo Motos, fixeron acrobacias e puxeron 2 resumos (un cos convidados internacionaiss e outro cos mellores momentos).
Programa 600: 13 de outubro de 2010. Ía ir Elsa Pataky, pero un problema de última hora impidiuno e falaron por teléfono con ela en directo. Foi Peter Coyote. Non fixeron nada especial.
O programa conseguiu algo de atención internacional en 2006 por ter a xente camiñando a través dunha piscina rechea dun fluído non newtoniano, unha solución de maicena e auga que foi mesturada nun camión formigoneira. Este experimento foi realizado nun programa de outubro de 2006 e foi repetido cunha nova mestura no episodio especial de Noiteboa debido a súa popularidade.[33] Ademais, en 2011 coñeceuse que o vídeo deste experimento foi empregado para explicar a uns alumnos da Universidade de Harvard o funcionamento da mestura. Ademais, realizouse o experimento por terceira vez.
En 2007, El Hormiguero recibiu numerosos premios, como o Premio Ondas ou o premio ao mellor programa de entretemento infantil.[Cómpre referencia] O programa ten moito éxito entre o público infantil e nos xoves. A súa antiga canle, Cuatro, elixiuno como o mellor programa da súa canle, lamentando gravemente a perda deste.
Polémicas
En 2008 cando aínda conducía o seu espazo en Cuatro e non en Antena 3, Pablo Motos e Marron –un dos seus colaboradores – estaban inaugurando unha sección arriscada en El hormiguero («Supervivencia en casos extremos») e case lles custou un desgusto grave. O presentador e o seu acompañante introducíronse nun caldeiro de cristal que foi enchido de cortiza branca para demostrar como sobrevivir unha avalancha, mais o experimento saíu mal e estiveron a piques de asfixiarse, especialmente Marron, que resultou o máis afectado. De feito, foi el quen, cos seus golpes, pediu que abrisen a caixa para poder saír.
En maio de 2011, Mediaset España anunciou a saida de El hormiguero da grella de Cuatro, ao parecer, por diverxencias económicas entre a produtora 7 y acción e Mediaset España. [Cómpre referencia] Poucos días despois anunciouse a fichaxe do programa por Antena 3 onde se emite desde o 5 de setembro de 2011. A mediados de xuño, nas promocións da canle principal de Atresmedia, e tras sucesivas promocións do programa baixo o lema En ocasiones veo treses, deuse a coñecer o que sería o título do programa na súa etapa por Antena 3: mantendo El hormiguero pasou de ser El hormiguero 2.0 a ser El hormiguero 3.0, en clara referencia ao 3 de Antena 3.
Na edición do programa 25 de outubro de 2011, á que acudía como convidado Dani Martín,[34] este foi protagonista dun truco de maxia cunha guillotina durante o cal se finxía que este salía mal e era decapitado de maneira real. Como parte do montaxe, puídose oír a Pablo Motos, pedir a gritos ao camarógrafo que deixara de gravar xusto antes de saír a publicidade, e ao finalizar esta Motos declarou que houbera un problema e que darían explicacións no próximo programa, terminando así a emisión en nota de alarma. A falsa decapitación de Dani Martín en El hormiguero 3.0 causou un rebumbio na rede,[35] dividíndose os usuarios en dous grupos, os que estaban a favor da broma e os que expresaron a súa indignación polo sucedido. Finalmente, o equipo de El hormiguero 3.0 viuse obrigado a pedir desculpas publicamente por non ter aclarado o sucedido antes de finalizar a retransmisión do programa.[36]
En abril de 2017 o programa tivo unha forte polémica. Con motivo de promocionar a serie de Netflix, Las chicas del cable, o elenco fiminino foi a ser entrevistado. Varios medios criticaron o enfoque e as preguntas que realizaba Motos, incluíndo preguntas como se bailaban reaggeton ou que Ahora las chicas se dividen entre las que saben perrear y las que no.[37]
