El Támega

El Támega foi un semanario editado en Verín entre 1898 e 1936.

Subtitulado Revista semanal ilustrada, apareceu en setembro de 1898. Semanario de ideoloxía conservadora, foi a sexta publicación desta vila e a máis importante polo seu interese e pola súa duración. Fundado por Lino García Vázquez, o seu propietario e director, entre os seus colaboradores estaban Eloy Luís André, Waldo Álvarez Insua, José Arjiz Salgado, José María Pereda Álvarez e Xesús Taboada Chivite.

En decembro de 1902 iniciou unha segunda etapa coa cabeceira Nuevo Támega, coa que se mantivo ata 1936. Nos anos da Segunda República pasou a subtitularse por Semanario Republicano Independiente.

• Valcárcel López, Marcos (1987). A prensa en Ourense e a súa provincia. Ourense: Deputación Provincial. ISBN 84-505-5721-6. 
• Vilavedra, Dolores, ed. (1997). Diccionario da literatura galega. Publicacións Periódicas II. Vigo: Editorial Galaxia. ISBN 84-8288-137-X. 

• Lista de publicacións impresas da provincia de Ourense

• Semanarios de Verín: 1875-1936 Arquivado 03 de decembro de 2019 en Wayback Machine.