A Escola de Delft, no eido da microbioloxía, é unha liña de pensamento concibida para reagrupar todos os científicos especializados en microbioloxía formados na Universidade de Tecnoloxía de Delft, nos Países Baixos, ou ben que traballaron nela ou que recibiron formación doutros científicos vinculados a esta universidade[1][2].
Historia
A idea dunha Escola de Delft no ámbito da microbioloxía foi formulada por primeira vez por Cornelis van Niel en 1949[3].
Fotografía dos anos 20 do fundador da escola, Martinus Beijerinck
Considérase a Martinus Beijerinck como o fundador da escola, e entre os seus membros máis coñecidos cópre salientar o de Antoni van Leeuwenhoek.
A Escola de Delft contribuíu a facer da microbioloxía un eido específico de investigación no seo das ciencias da vida e desenvolveu dentro dela diversas áreas, como a fisioloxía miocrobiana, a ecoloxía microbiana, a utilización de microorganismos como ferramentas da bioloxía molecular e da biotecnoloxía, e aplicacións agrícolas, industriais e microbioloxía ambiental. Caracterízase igualmente polo uso do traballo práctico como método de ensino[4].
