Fat Man

Fat Man foi o nome en código que recibiu a bomba atómica detonada sobre a cidade xaponesa de Nagasaki polos Estados Unidos o 9 de agosto de 1945. Foi a segunda das dúas únicas armas nucleares na historia usadas nunha guerra, sendo a primeira a bomba Little Boy, e a súa detonación foi a terceira explosión nuclear artificial da historia. Foi construída no Laboratorio de Los Alamos usando plutonio procedente das plantas de Hanford Engineer Works e foi lanzada dende o Boeing B-29 Superfortress Bockscar, pilotado polo maior Charles W. Sweeney.

O nome "Fat Man" fai referencia ó primeiro deseño da bomba por mor da súa forma ancha e redonda. Tamén se coñecía como a bomba Mark III. Fat Man era unha arma nuclear de implosión cun núcleo sólido de plutonio. A primeira bomba deste tipo fora detonada na proba Trinity en Novo México, o 16 de xullo de 1945.

Detonáronse outras dúas bombas Fat Man máis durante as probas nucleares da operación Crossroads no atol Bikini en 1946. Entre 1947 e 1949 producíronse unhas 120 unidades de bombas Fat Man, ata que foron substituídas polo modelo Mark 4, e o deseño Fat Man foi finalmente retirado no ano 1950.

Wikimedia Commons ten máis contidos multimedia na categoría:  Fat Man

• Baker, Richard D.; Hecker, Siegfried S.; Harbur, Delbert R. (1983). Plutonium: A Wartime Nightmare but a Metallurgist's Dream (PDF). Los Alamos Science (Los Alamos National Laboratory). pp. 142–151. 
• Campbell, Richard H. (2005). The Silverplate Bombers: A History and Registry of the Enola Gay and Other B-29s Configured to Carry Atomic Bombs. Jefferson, North Carolina: McFarland & Company. ISBN 0-7864-2139-8. OCLC 58554961. 
• Coster-Mullen, John (2012). Atom Bombs: The Top Secret Inside Story of Little Boy and Fat Man. Waukesha, Wisconsin: J. Coster-Mullen. OCLC 298514167. 
• Hewlett, Richard G.; Anderson, Oscar E. (1962). The New World, 1939–1946 (PDF). University Park: Pennsylvania State University Press. ISBN 0-520-07186-7. OCLC 637004643. 
• Hoddeson, Lillian; Henriksen, Paul W.; Meade, Roger A.; Westfall, Catherine L. (1993). Critical Assembly: A Technical History of Los Alamos During the Oppenheimer Years, 1943–1945. Nova York: Cambridge University Press. ISBN 0-521-44132-3. OCLC 26764320. 
• Jones, Vincent (1985). Manhattan: The Army and the Atomic Bomb (PDF). Washington, D.C.: United States Army Center of Military History. OCLC 10913875. Arquivado dende o orixinal (PDF) o 07 de outubro de 2014. Consultado o 13 de decembro de 2017. 
• Rhodes, Richard (1986). The Making of the Atomic Bomb. Nova York: Simon & Schuster. ISBN 0-684-81378-5. OCLC 13793436. 

Este artigo sobre historia é, polo de agora, só un bosquexo. Traballa nel para axudar a contribuír a que a Galipedia mellore e medre.  Existen igualmente outros artigos relacionados con este tema nos que tamén podes contribuír.