O Gran Premio de España de 2017 (oficialmente o Fórmula 1 Gran Premio de España Pirelli 2017) é unha carreira de Fórmula 1 que se disputou o 14 de maio de 2017 no Circuíto de Cataluña, Montmeló, España. Foi a quinta carreira do Campionato Mundial de Fórmula 1 de 2017 e o vixésimo sétimo en Cataluña.
Pneumáticos dispoñibles
Pneumáticos dispoñibles en Barcelona
| Pneumáticos para pista seca
|
Pneumáticos para chuvia
|
Brandos
|
Medios
|
Duros
|
Intermedios
|
Chuvia
|
Antecedentes
Cualificación
- Q1
Sebastian Vettel acabara de cambiar o seu motor, entre o último adestramento libre e a clasificación, e aínda agradecía o rápido traballo cando seu enxeñeiro o mandou volver a boxes. Tras o susto e algunhas mudanzas nos comandos do coche, todo volveu a funcionar e o alemán anotou 1:20.939. A pesar de non ser un tempo de pole, foi suficiente para que o alemán pasara á Q2. Lewis Hamilton, no entanto, saíu a pista inmediatamente e logrou 1:20.511, terminando a Q1 no cume. Destaca o contraste entre os dous pilotos da STR. Mentres Sainz foi noveno, Kvyat terminou a Q1 en último lugar.
Eliminados: Marcus Ericsson (Sauber), Jolyon Palmer (Renault), Stoffel Vandoorne (McLaren), Lance Stroll (Williams) e Daniil Kvyat (Toro Rosso).
- Q2
Bottas e Hamilton abandonaron os boxes cando ondeou a bandeira verde. Ao completar súas voltas rápidas, os pilotos ficaron separados por 0.090. Mais non pasou moito tempo antes de que Sebastian Vettel se metese entre o dúo, diante de Bottas por só 0.005. O que destacou na Q2 foi Fernando Alonso que, diante do seu público conseguiu pasar á Q3 por primeira vez o ano, facendo que os seareiros e o box de McLaren vibrasen de emoción. Grosjean unha vez máis non conseguiu trazar a última chicana e ficou fóra do Q3.
Eliminados: Kevin Magnussen (Haas), Carlos Sainz (Toro Rosso), Nico Hülkenberg (Renault), Romain Grosjean (Haas) e Pascal Wehrlein (Sauber).
- Q3
Mercedes debeu premer o "botón máxico de potencia" para a clasificación, porque na primeira saída para o Q3 Hamilton masacrou a marca da pole, anotada por Mark Webber en 2010, e fixo 1m19s149. Sebatian Vettel aínda conseguiu reaccionar e acadar o segundo lugar a 0s051 de Lewis. Bottas ficou co terceiro posto a 0s124 do compañeiro, con Kimi a 0s290 do mellor tempo.
Carreira
Vettel tivo un comezo mellor que Hamilton e liderou na primeira curva. Entón un incidente con Bottas, Räikkönen e Verstappen significou que tanto Räikkönen como Verstappen retiráronse con danos na suspensión e Bottas quedou lixeiramente tocado. O incidente tamén fixo que Felipe Massa picara unha roda, á vez que obrigaba a Alonso a abandonar a pista, levándoos a terminar a carreira fóra dos puntos. Isto deixou os dez primeiros con Vettel, Hamilton, Bottas, Ricciardo, Pérez, Ocon, Hülkenberg, Magnussen, Sainz e Grosjean. Hamilton quedou con Vettel durante 14 voltas, cando Ferrari decidiu cubrirse cun undercut entrando en boses para montar pneumáticos brandos. Hamilton, pola súa banda, mantívose na pista durante 7 voltas máis e reincorporouse uns 7 segundos detrás de Vettel con pneumáticos medios. Vettel perdeu ao redor de 4 segundos con Hamilton tratando de superar a Bottas, que aínda non entrara a boxes, antes de completar un espectacular adiantamento a Bottas.
A falta de algo máis de 30 voltas, o McLaren de Vandoorne tocouse con Massa e retirouse con danos na suspensión, gañándose unha penalización na grella da seguinte carreira. O VSC apareceu para que o seu coche puidese ser retirado da pista e isto permitiu a Hamilton entrar en boxes para montar os pneumáticos brandos máis rápidos, sen perder moito tempo con Vettel debido á velocidade limitada. Entón Vettel foi chamado para entrar en boxes e montar os pneumáticos medios máis lentos, xusto cando terminaba o VSC, dando como resultado que Vettel saía do pitlane xunto a Hamilton. Tocáronse coas rodas e Hamilton viuse forzado a sairse da pista e caeu detrás de Vettel. Logo na volta 38, o Mercedes de Bottas sufriu un fallo de motor (do motor que utilizara para todas as carreiras anteriores) e isto promoviu a Ricciardo ao podio. Mentres tanto, Pascal Wehrlein que fixera unha única parada, usou o VSC ao seu favor e saíu dos boxes oitavo. Logo pasou ao 7º logo da retirada de Bottas. Con todo, recibiu unha penalización de cinco segundos por un erro ao entrar no pit lane.
Hamilton, con pneumáticos máis rápidos, logrou superar a Vettel para o liderado na recta na volta 44 e mantívose á cabeza para gañar a carreira, reducindo a vantaxe de Vettel no campionato a 6 puntos e aumentando a vantaxe de Mercedes no Campionato de Construtores a 8 puntos sobre Ferrari. Ricciardo terminou terceiro no seu primeiro podio da tempada e tomo o quinto lugar no Campionato. Malia as novas melloras, o seu Red Bull estaba 75 segundos por detrás de Hamilton, a maior distancia de toda a tempada, Ricciardo foi o único outro coche agás dos dous líderes en terminar na volta do líder. Os seguintes en cruzar a liña de meta foron os Force India de Pérez e Ocon. Logo, Nico Hülkenberg terminou no sexto posto co Renault, o seu mellor resultado desde o seu regreso ao deporte en 2016. Wehrlein cruzou a liña no 7º lugar, pero foi rebaixado ao oitavo pola súa penalización, aínda que logrando 4 valiosos puntos para o loitador equipo Sauber. O Toro Rosso de Carlos Sainz subiu ao sétimo lugar. Kvyat e Grosjean terminaron 9º e 10º respectivamente despois de que Kevin Magnussen, que corría no noveno lugar, sufrira unha picada lenta debido ao contacto con Kvyat e caeu a 14º lugar. Fernando Alonso terminou no posto 12, a primeira vez que terminou unha carreira na tempada, pero admitiu que lle faltaba o ritmo de carreira para ir a corde coa súa magnífica cualificación.[1]
Resultados
Cualificación
Carreira
Posicións logo da carreira
- Clasificación no campionato de pilotos
|
- Clasificación do campionato de construtores
|
- Nota: Só están incluídos os cinco primeiros postos en ambos os grupos de clasificación.
Notas
Véxase tamén
Ligazóns externas
