A Guerra contra o terrorismo (en inglés: War on Terror, WoT), é unha campaña militar internacional dirixida polos Estados Unidos de América e o Reino Unido co apoio dos membros da OTAN e outros países, que comezou despois dos atentados do 11 de setembro de 2001 nos Estados Unidos.[1] O presidenteGeorge W. Bush empregou por vez primeira o termo "War on Terror" o 20 de setembro de 2001.[1] A administración de Bush e os medios occidentais empregaron o termo dende entón para facer referencia ó conflito militar, político, legal e conceptual contra organizacións terroristas e réximes acusados de apoialas. Orixinalmente, foi empregado con especial atención nos países asociados con organizacións de terrorismo islámico como al-Qaeda.
No 2013, o presidente Barack Obama anunciou que os Estados Unidos non continuarían coa guerra, centrándose en inimigos específicos, máis que seguindo unha táctica.[2]
Jackson, Richard. Writing the War on Terrorism: Language, Politics and Counter-Terrorism. Manchester & Nova York: Manchester University Press, 2005. ISBN 0719071216.
