Henry

Un henrio ou henry é a unidade do Sistema Internacional de Unidades da indutancia eléctrica, nome dado en homenaxe ao científico estadounidense Joseph Henry (1797-1878), que realizou importantes avances no eido do electromagnetismo, especialmente o descubrimento da autoindución. O seu símbolo é H.

Cando a taxa de variación da corrente eléctrica nun circuíto pechado é dun ampere por segundo (1A/s) e a forza electromotriz resultante é dun volt (1V), a indutancia do circuíto é dun henrio (1H).

Ten como dimensión $V\cdot A^{-1}\cdot s=m^{2}\cdot kg\cdot s^{-2}\cdot A^{-2}$ en unidades SI.

Múltiplos

Múltiplo	Nome	Símbolo	Múltiplo	Nome	Símbolo
10⁰	henry	H
10¹	decahenry	daH	10⁻¹	decihenry	dH
10²	hectohenry	hH	10⁻²	centihenry	cH
10³	quilohenry	kH	10⁻³	milihenry	mH
10⁶	megahenry	MH	10⁻⁶	microhenry	µH
10⁹	xigahenry	GH	10⁻⁹	nanohenry	nH
10¹²	terahenry	TH	10⁻¹²	picohenry	pH
10¹⁵	petahenry	PH	10⁻¹⁵	femtohenry	fH
10¹⁸	exahenry	EH	10⁻¹⁸	attohenry	aH
10²¹	zettahenry	ZH	10⁻²¹	zeptohenry	zH
10²⁴	yottahenry	YH	10⁻²⁴	yoctohenry	yH