Ir Indo

Ir Indo Edicións
A EGU é un dos principais produtos de Ir Indo.
Tipo	Sociedade Limitada
Fundación	14 de novembro de 1985 (39 anos)
Localización	Avda. da Florida 30, Vigo
Persoas clave	Bieito Ledo Cabido
Industria	Editorial
Produtos	EGU, dicionarios, infantil e xuvenil.
Notas
Prefixo ISBN: 978-84-7680 [1]
Na rede
http://www.irindo.com
[ editar datos en Wikidata ]

Ir Indo Edicións é unha editorial viguesa, en galego, castelán, inglés e francés, fundada en 1985 por Bieito Ledo Cabido.^[2]

O nome débese á idea que lle deu a Ledo o carpinteiro da súa aldea de Padroso, cando lle dixo: O caso é ir indo.^[3]

Ten máis de cincocentos títulos,^[1] dentro das coleccións Dicionarios, Galegos na Historia, Narrativa, O Parrulo, Elefante Contacontos, Recursos, Festas na escola, A fraga, Raigame, Letras Hispanas, Clásicos, Cidades-vilas, Guías, Arquivo da Imaxe, Manuais, Nabarquela e Memorias.

Entre os autores editados por Ir Indo están Álvaro Cunqueiro, Francisco Fernández del Riego, Alfredo Conde, Xosé Mª. Álvarez Blázquez, Darío Xohán Cabana, Xosé A. Perozo, Marilar Aleixandre, Tucho Calvo, Moncho Borrajo, Roald Dahl, Robert Musil, Joseph Conrad, Edgar Allan Poe, Lovecraft, Tolstoi, Castelao, Antón Fraguas, Rafael Dieste, Eugenio Granell, Camilo José Cela, Méndez Ferrín, Filgueira Valverde, Torrente Ballester, Rudyard Kipling, F. Scott Fitzgerald e Xulio Verne.

Editou entre 1999 e 2006 a Enciclopedia Galega Universal Ir Indo, de dezaseis volumes,^[4] que tivo versión en liña en Internet.^[5] No ano 2003, por encarga de La Voz de Galicia, editou o Diccionario Enciclopédico Galego Universal (DEGU) de sesenta tomos.

Outras obras de consulta destacadas da editorial son o Dicionario biográfico de Galicia (2010-2011, tres tomos), o Dicionario de Galego Ir Indo^[6] ou o Diccionario dos nomes galegos de Xesús Ferro Ruibal et alii.

• Artigo "EDICIÓNS IR INDO" da Gran Enciclopedia Galega Silverio Cañada

• Actividade editorial en Vigo
• Distribución editorial galega

• Ir Indo na páxina da Asociación Galega de Editores (vía Internet Archive)
• Bragado, Manuel (14/3/2011). "Os 25 anos de Ir Indo". Faro de Vigo.