LeAnn Rimes

LeAnn Rimes

(2004)
Biografía
Nacemento	28 de agosto de 1982 (42 anos) Jackson, Estados Unidos de América
Actividade
Lugar de traballo	Nashville
Ocupación	cantante, actriz, compositora de cancións
Período de actividade	1991 -
Xénero artístico	Música pop e Música country
Tesitura	Soprano
Instrumento	Voz
Selo discográfico	Curb Records
Familia
Cónxuxe	Eddie Cibrian (2011–) Dean Sheremet (2002–2010)
Premios
(1997)  Grammy ao mellor novo artista
Sitio web	leannrimesworld.com

Margaret LeAnn Rimes, máis coñecida como LeAnn Rimes, nada en Jackson o 28 de agosto de 1982, é unha das máis famosas cantantes de música country e pop americana do século XXI. Descuberta en 1996 na música country, aos 13 anos. O seu primeiro álbum, “Blue”, chegou a nº1 no Top Country Álbuns e foi certificado “multi-platina” en vendas. Aos 20 anos, xa tiña vendido máis de 34 millóns de copias.

Natural de Jackson, no Mississippi, a cantante comezou a cantar antes dos dous anos, e aos 11, xa vivindo en Texas, gravou "All That", o seu primeiro álbum de cancións orixinais. O éxito que obtivo, lanzado por unha pequena editora independente, chamou a atención da Curb Records, que editou "Blue", segundo disco de LeAnn Rimes, cando a artista só tiña 13 anos. Por detrás do tema-título está unha historia que, até hoxe, se asocia á cantante: a canción "Blue" fora escrita nos anos 1960 por un locutor de radio e promotor discográfico que, ao encontrar Leann, se rendeu aos seus talentos e lle suxeriu que cantase a música.

Asumindo o papel de "padriño" da artista, Bill Mak garante ter escrito "Blue" para Patsy Cline antes da morte da cantante, espallando o rumor de que tiña esperado 30 anos até encontrar outra voz capaz de interpretar a canción. Inspirada na historia e nas semellanzas de Leann coa lenda, a prensa comeza a presentar a nova cantante como sucesora de Patsy Cline. Máis tarde, porén, descubriuse que a música xa fora gravada por tres artistas diferentes. A constatación non eliminou o impacto do disco, un éxito de vendas nos EUA.

A partir de entón, o aplauso do público e os récords batidos ("You Light Up My Life: Inspirational Songs", de 1997, foi o primeiro disco country en entrar directamente nas listas de éxitos Pop e country contemporánea) marcan o camiño de Leann. Despois do lanzamento dunha colectánea cos seus primeiros temas, a cantante vendeu millóns de copias de "Sitting On Top of the World", lanzado en 1998. Atrás ficaron dous Grammys, sendo Leann a primeira cantante country en vencer na categoría de Mellor Artista Revelación.

Para reforzar a comparación con Patsy Cline, a artista interpretou, en 1999, o clásico "Crazy", nunha colección de 11 modelos da country a que deu o seu nome. Seguiron "Written In The Stars", un dueto con Elton John para o musical da Broadway, "Aida", e ducias de concertos polos EUA.

LeAnn participou na canción "Just Stand Up", unha canción para axudar na campaña "Stand Up For Cancer", xunto con moitas outras artistas, incluíndo Carrie Underwood, Ciara, Beyoncé, Mariah Carey, Miley Cyrus, Leona Lewis, Fergie, Mary J. Blige, Rihanna, Ashanti, Natasha Beginfield, Keyshia Cole.

O recoñecemento a nivel mundial veu coa banda-sonora de "Coyotte Ugly" (ShowBar), para o cal gravou catro músicas de Diane Warren, entre as cales está o éxito "Can't Fight the Moonlight". No filme, Leann fai tamén unha pequena aparición, naquela que foi a súa segunda incursilón no cinema, após a estrea en "Holiday in Your Heart", filme adaptado dun libro co-escrito pola cantante.

En 2001, e na resaca dos atentados de 11 de setembro, xorde no mercado "God Bless America", unha colección de éxitos da artista, alternados con versións de clásicos da canción norteamericana, para emprestarlle ánimo ao pobo dos Estados Unidos. Un ano despois, a cantante lanza "Twisted Angels", un conxunto máis de orixinais.

Wikimedia Commons ten máis contidos multimedia na categoría:  LeAnn Rimes

• Páxina oficial (en inglés)
• Páxina oficial no MySpace
• Páxina oficial no Twitter
• Páxina oficial no Facebook