Mabon ap Modron

Mabon ap Modron (Mabon fillo de Modron) é na mitoloxía galesa, o «fillo divino» de Modron, a «nai divina», e de Gwynn ap Nudd. Deus cazador, é o equivalente do deus galo Maponos e do deus irlandés Oengus, membro dos Tuatha Dé Danann. Aparece especialmente no conto titulado Kulhwch ac Olwen.

Roubáronllo á súa nai tres días despois de nacer e estivo secuestrado no Annwn ou Annwyn, o Alén dos galeses, ata que o liberou Kulhwch e o rei Artur. O sitio onde o mantiveron prisioneiro chámase Caer Loyw, descrito como unha illa preto da costa (Kei e Bedwyr chegan a ela sobre o «lombo» dun salmón). Este Caer Loyw é probabelmente Gloucester. Presentado como un «home primordial», é un mediador entre os deuses e os homes. A súa estancia no Annwvyn confírelle a xuventude perpetua.

Logo axuda a Kulhwch na súa procura de Olwen, na caza do xabarín Twrch Trwyth: considerado o mellor cazador do mundo, só el pode recuperar a cadea do can Kilydd Canhastyr. Despois debe cabalgar a montura de Gweddw, o «Branco de crinas sombrías» e roubar a navalla do xabarín.

• Pierre-Yves Lambert: Les Quatre Branches du Mabinogi, conto Kulhwch et Olwen, Gallimard, coll. «L’aube des peuples», París, 1993, (ISBN 2-07-073201-0).
• Paul-Marie Duval: Les Dieux de la Gaule, París, éditions Payot, février 1993, p. 169 (ISBN 2-228-88621-1.
• Albert Grenier: Les Gaulois, París, Petite bibliothèque Payot, août 1994, p. 365 (ISBN 2-228-88838-9).
• Christian-J. Guyonvarc'h: Magie, médecine et divination chez les Celtes, Bibliothèque scientifique Payot, París, 1997, (ISBN 2-228-89112-6).
• Christian-J. Guyonvarc'h e Françoise Le Roux:
  • Les Druides, Ouest-France Université, coll. « De mémoire d’homme : l’histoire », Rennes, 1986 (ISBN 2-85882-920-9).
  • La Civilisation celtique, Ouest-France Université, coll. «De mémoire d’homme: l’histoire», Rennes, 1990 (ISBN 2-7373-0297-8) ;
  • Les Fêtes celtiques, Rennes, Ouest-France Université, coll. « De mémoire d’homme : l’histoire », avril 1995, p. 216 (ISBN 2-7373-1198-7).
• Philippe Jouët: Aux sources de la mythologie celtique, Yoran embanner, Fouesnant, 2007 (ISBN 978-2-914855-37-0).
• Venceslas Kruta: Les Celtes, Histoire et Dictionnaire, éditions Robert Laffont, coll. « Bouquins » , París, 2000 (ISBN 2-7028-6261-6).
• Claude Sterckx: Mythologie du monde celte, París, Marabout, outubro de 2009, p. 470 (ISBN 978-2-501-05410-2).

• Mabinogion.
• Kwlhwch ac Olwen.