Manon Lescaut é unha ópera en catro actos con música de Giacomo Puccini e libreto en italiano escrito sucesivamente por varias persoas: Ruggiero Leoncavallo, Domenico Oliva, Marco Praga, Giuseppe Giacosa, Luigi Illica, Puccini e Giulio Ricordi. Está baseada na obra L'historie du chevalier des Grieux et de Manon Lescaut (1731) do Abade Prévost, que inspirou tamén a ópera Manon de Jules Massenet. O editor, Giulio Ricordi, e o propio compsitor tamén contribuíron ao libreto. Tan confusa foi a autoría do libreto que ninguén aparece acreditado na portada da partitura orixinal. Foi estreada o 1 de febreiro de 1893 no Teatro Regio de Turín.
Manon Lescaut foi o primeiro grande éxito do compositor. O seu editor non quería ningunha outra ópera sobre a novela do abade Prévost, xa que o compositor francés Jules Massenet xa escribira unha excelente. O que non sabían é que [[Daniel Auber|Auber tamén escribira a súa. Mais Puccini non fixo caso desta solicitude e continuou co seu proxecto.
Puccini colleu algúns elementos musicais empregados en Manon Lescaut de obras que el mesmo escribira con anterioridade. Por exemplo, el madrigal Sulla vetta tu del monte do segundo acto reflicte o Agnus Dei da súa Misa a catro voces de 1880. Outros elementos de Manon Lescaut proceden da súa composición para cordas: o cuarteto Crisantemi (xaneiro de 1890), tres Minuetos (probablemente de 1884)[2] e un Scherzo (1883?). O tema de amor procede da aria Mentia l'avviso (1883).
Personaxes
Notas
- ↑ Riding, Alan; Dunton-Downer, Leslie (2008). Guías visuales Espasa: Ópera (en español) (1.ª ed.). Espasa Calpe, S.A. p. 191. ISBN 978-84-670-2605-4.
- ↑ Weaver, William y Puccini, Simonetta: The Puccini Companion: Essays on Puccini's Life and Music, 2000, W. W. Norton & Company. ISBN 0-393-32052-9, pág. 291.
Véxase tamén
