Márcia Malsar, nada no Río de Xaneiro, é unha ex-atleta paralímpica brasileira.
Traxectoria
Foi medallista de ouro, prata e bronce nos Xogos Paralímpicos de Verán de 1984 en Nova York e Stoke Mandeville nos Estados Unidos de América e Inglaterra. Tamén foi medalla de prata en 1988, cando o evento se celebrou en Seúl, Corea do Sur. Foi a primeira medallista de ouro brasileira nos Xogos Paralímpicos, acadando o primeiro posto nos 200 metros en 1984.[1]
Na cerimonia de inauguración dos Xogos Paralímpicos de Río de Xaneiro en 2016, Márcia participou na remuda da lapa olímpica dentro do estádio do Maracanã e protagonizou un dos momentos máis emotivos da inauguración. Malsar, que camiñaba apoiada nun caxato, por mor da choiva e a súa dificultade para moverse, deixou caer a lapa e logo ela tamén caeu ao chan. Ergueuse e completou o seu camiño con moitos aplausos dos presentes.[2][3]
Palmarés deportivo
Notas
