Share to: share facebook share twitter share wa share telegram print page

Premios Tony

Premios Tony
Tipogrupo de premios
Data de fundación1947
Nomeado en referencia aAntoinette Perry
PaísEstados Unidos de América
Na rede
https://www.tonyawards.com/
IMDB: ev0073259 Facebook: thetonyawards Twitter: thetonyawards Instagram: thetonyawards TikTok: thetonyawards Editar o valor en Wikidata
[ editar datos en Wikidata ]

O Antoinette Perry Awards for Excellence in Theatre ou máis comunmente Premio Tony, é o nome do premio que recoñece ás obras do teatro de Broadway. Entrégao a American Theatre Wing nunha cerimonia anual na cidade de Nova York. As regras para os premios Tony establécense en "Rules and Regulations of The American Theatre Wing's Tony Awards" e son considerados o maior premio dado no teatro dos Estados Unidos, equivalente ao Oscar no cinema, o Grammy na música e o Emmy na televisión. O premio vótao un grupo de aproximadamente 700 xuíces das distintas áreas da industria do entretemento e da prensa.

Historia

O premio creouse en 1947 por un comité da American Theatre Wing encabezado por Brock Pemberton. O nome do premio lembra a actriz e directora Antoinette "Tony" Perry, fundadora da American Theatre Wing[1] falecida en 1946.[2][3]

A primeira cerimonia de entrega tivo lugar o 6 de abril de 1947, no hotel Waldorf Astoria de Nova York.[4] Desde 1967 a entrega é retransmitida por televisión.

Críticas

Polas características especiais dos Tony, moitos críticos suxeriron que estes premios son principalmente un vehículo de promoción para un reducido número de grandes empresas de produción e donos de teatros da cidade de Nova York.[5]

Para recibir unha candidatura, unha obra de teatro ten que estrearse nun dos 39 teatros do distrito de Broadway en Manhattan durante o último ano. A causa de que moitas obras de éxito quedan no mesmo teatro ano tras ano, nun ano típico tan só 20 ou 25 obras son candidatas e como hai 27 categorías, a maioría das novas obras reciben candidaturas.

Ao limitarse os premios ao circuíto de Broadway a maioría das obras de teatro profesionais dos Estados Unidos non poden ser candidatas, independentemente da súa calidade. A única excepción á regra é o Premio Tony ao Mellor Teatro Rexional, que pode recibir calquera teatro profesional do país.

Notas

  1. ↑ Gans, Andrew (18 de decembro de 2007). Playbill, ed. "League of American Theatres and Producers Announces Name Change". Arquivado dende o orixinal o 21 de decembro de 2007. Consultado o 13 de setembro de 2013. 
  2. ↑ Nassour, Ellis (10 de xuño de 2011). "From The 2011 Tony Playbill: Who Was the Original 'Tony'?". Playbill. Arquivado dende o orixinal o 06 de maio de 2013. Consultado o 4 de xullo de 2013. 
  3. ↑ Nassour, Ellis. tonyawards.com, ed. "Who Is 'Tony'?". Arquivado dende o orixinal o 28 de abril de 2012. Consultado o 13 de setembro de 2013. 
  4. ↑ Bloom, Ken (2004). Taylor & Francis, ed. Broadway - Its History, People and Places. ISBN 978-0-415-93704-7. .
  5. ↑ Okrent, Daniel (9 de maio de 2004). "The Public Editor; There's No Business Like Tony Awards Business". The New York Times. Consultado o 13 de setembro de 2013. 

Véxase tamén

Ligazóns externas
Kembali kehalaman sebelumnya