Roger Bland

Roger Farrant Bland
	; Roger Bland en 2010
Biografía
Nacemento	3 de abril de 1955
Chair of the Treasure Valuation Committee (en)
	11 de agosto de 2020 –
34º Presidente da Real Sociedade Numismática
	2018 – ; ← Andrew Burnett
30º Presidente da Sociedade Numismática Británica
	2012 – 2016 ; ← Robin John Eaglen (en) – Kevin Clancy →
Datos persoais
País de nacionalidade	Británica
Educación	King's College; Universidade de Londres
Q89547790	- Estudo e publicación de achados numismáticos.; - Estudos de Moeda da Antiga Roma.
Actividade
Campo de traballo	Numismática
Ocupación	conservador, autor, numismático, profesor universitario
Empregador	Museo Británico
Obra
Doutorando	Philippa Walton (en)
Familia
Cónxuxe	Lucilla Mary Burn (1987)
Premios
	- 1979: Premio Barclay Head.; - 1983 e 1989: Premio Gillijam, da RNS.; - 2011: Premio Allier de Hauteroche.; - 2012: Jeton de Vermeil, da SFN; - 2014: Medalla da RNS.; - 2016: Medalla Presidencial da Academia Británica.; - 2017: Medalla Huntington da ANS.
	Lista (27 de setembro de 2016) President's Medal (en) ; (2016) prix Giles (en) ; (16 de decembro de 2014) Medalla da Royal Numismatic Society; (2008) Oficial da Orde do Imperio Británico; (5 de maio de 1993) Compañeiro da Sociedade de Anticuarios de Londres ; ;

Roger Farrant Bland, nado en Londres o 3 de abril de 1955, é un numismático e museólogo británico vinculado ao Museo Británico.^[1]

Traxectoria

Roger Bland é fillo de David Ferrant Bland e Mary Elmore Bland, e casou en 1987 con Lucilla Mary Burn.^[1]

Bland realizou os seus estudos universitarios no King's College da Universidade de Londres, onde se graduou en Estudos Clásicos en 1978. Na mesma universidade acadou o grao de doutor en 1991 cunha tese titulada The Coinage of Gordian III from the mints of Antioch and Caesarea.^[2]

O ano seguinte á súa graduación, en 1979, ingresou no Departamento de Moedas e Medallas do Museo Británico, ao que estivo vinculado ata 2005. A partir dese ano pasou a ocupar o posto de conservador en diversos departamentos do museo: Departamento de Antigüidades Portátiles e Tesouro (2005-2012), Departamento de Prehistoria e Europa (2012-2013) e Departamento de Gran Bretaña, Europa e Prehistoria (2013-2015).^[1]^[2]

A partir de 2015, exerceu tamén como profesor visitante da Universidade de Leicester e membro do Instituto McDonald para a Investigación Arqueolóxica, da Universidade de Cambridge.^[1]

Ao longo da súa vida académica exerceu ademais diversos cargos directivos en varias entidades numismáticas e arqueolóxicas, como membro do consello da Sociedade de Anticuarios de Londres, vicepresidente da Real Sociedade de Numismática ou presidente da Sociedade Británica de Numismática.^[2]

Recoñecementos

1979: Premio Barcclay Head de Numismática Antiga, da Universidade de Oxford.^[2]
1983 e 1989: Premio Gilljam, da Royal Numismatic Society.^[2]^[3]
1993: Académico da Sociedade de Anticuarios de Londres.^[4]
2008: Oficial da Orde do Imperio Británico.^[2]^[5]
2011: Premio Allier de Hauteroche, da Académie des Inscriptions et Belles-Lettres.^[2]
2012: Jeton de Vermeil, da Société Française de Numismatique.^[2]^[6]
2014: Medalla da Royal Numismatic Society.^[7]
2016: Medalla Presidencial da Academia Británica.^[8]
2017: Medalla Huntington da American Numismatic Society.^[9]^[10]^[11]

Escolma de publicacións

(1982): Coin hoards from Roman Britain: The Blackmoor hoard. Con R. Carson. British Museum. ISBN 978-0861590339
(1983). The Cunetio treasure: Roman coinage of the third century A.D. Con E. Besly. British Museum. ISBN 978-0-7141-0857-5.
(1988): The Normanby Hoard and Other Roman Coin Hoards. Con A. Burnett. British Museum. ISBN 9780714108704
(1992): The Chalfont hoard and other Roman coin hoards. British Museum. ISBN 9780714108759
(1993): The Hoxne Treasure: An Illustrated Introduction. Con C. Johns. British Museum. ISBN 978-0-7141-2301-1.
(2010). The Frome Hoard. Con S. Moorhead; A. Booth. British Museum. ISBN 978-0-7141-2334-9
(2010). Roman and Early Byzantine Gold Coins Found in Britain and Ireland: With an Appendix of New Finds from Gaul. Con X. Loriot. Royal Numismatic Society. Special Publications, 46. ISBN 978-0-901405-59-3.
(2014). The Staffordshire Hoard. Con K. Leahy. British Museum. ISBN 978-0-7141-2342-4.