Mapa mundial coa contribución da agricultura ó PIB de cada país entre os anos 1970 e 2008. Os datos están en dólares por ano.
O sector primario é unha das clasificacións das actividades económicas. Considéranse actividades pertencentes ao sector primario as actividades económicas relacionadas coa obtención de recursos da natureza:
Aproximadamente o 50% da poboación mundial traballa no sector primario. En África faino o 62%; en Asia, o 58%; o 6% en Europa, e o 3% en América do Norte.
Prioridades do sector primario
Unha das primeiras prioridades deste sector é aproveitar, coidar e preservar os acuíferos, regatos, ríos, lagoas e presas da rexión, de tal maneira que a auga que se teña se utilice primeiramente para garantir o consumo humano e en segundo lugar para abeberar os animais, así como para cultivar a terra, en especial o millo e hortalizas. Por isto, unha das funcións das administracións é procurar que se penalice o desperdicio da auga ou o seu mal uso.
Coa semente e cultivo, aproveitar a produción para a súa comercialización.
En canto á silvicultura, capacitar as comunidades coa finalidade de que se preserve a riqueza que exerza, impulsar programas de reforestación ata que a planta sementada creza ou se garanta a súa vida e denunciar os cortes incontrolados, así como a presenza de serradoiros clandestinos e a venda ilegal de madeira, en especial dos acaparadores ou comerciantes que realizan esta actividade sen autorización. Nesta vertente, a Cámara de lexisladores, así como o Executivo estatal, debería considerar, cando menos, unha modesta partida de recursos ou, no seu defecto, xestionar unha maior actividade e responsabilidade por parte do goberno federal a través das súas dependencias afíns a este labor.
