A tempada 2010 do Super 14 (actual Super Rugby) foi a 15ª edición da máxima competición mundial de rugby entre franquías, organizada no hemisferio Sur pola SANZAR, entre equipos de Nova Zelandia, Australia e Suráfrica. Esta edición do torneo contou con 14 equipos, que disputaron unha tempada regular con 13 xornadas, seguida duns playoffs entre os 4 mellores equipos. O campionato foi gañado polos Bulls, o equipo surafricano que acadou así o seu 3º título, vencendo na final ós Stormers.
O máximo anotador de puntos do torneo foi Morné Steyn, con 263 puntos. Os máximos anotadores de ensaios foron Joe Rokocoko e Drew Mitchell con 9 cada un.
