Trofeo Aarne Honkavaara

Trofeo Aarne Honkavaara

Tipo	premio deportivo
Deporte	hóckey sobre xeo
Epónimo	Aarne Honkavaara
Localización  e  Datas
País	Finlandia
Vixencia	1978 –

O Trofeo Aarne Honkavaara (en finés Aarne Honkavaara -palkinto) é un galardón individual entregado anualmente pola máxima competición de hóckey sobre xeo de Finlandia, a SM-liiga. O premio foi outorgado por primeira vez na tempada tempada 1977-78, e recoñece o máximo goleador durante a liga regular. Dende a 1995 recibe o seu nome en honor do ex xogador do Ilves e a selección finlandesa Aarne Honkavaara.

Con cinco trofeos conseguidos ao longo da súa carreira, Arto Javanainen é o xogador que máis veces foi o máximo goleador da liga regular, gañando catro deles cos Ässät da súa Pori natal, e un co TPS de Turku.^[1]

Como ocorre con outros trofeos individuais da SM-liiga, o Trofeo Aarne Honkavaara recibe o seu nome en honor a unha personalidade destacada da historia do hóckey sobre xeo Finlandés. Entregado oficialmente dende a tempada 1977-78, se ben as primeiras veces que se premiou ao máximo goleador da SM-liiga o premio non recibía ningún nome en particular, dende 1995 este trofeo e nomeado en honor ao ex xogador Aarne Honkavaara,^[2] quen xogou toda a súa carreira como xogador no Ilves de Tampere na SM-sarja.^[a][3] Honkavaara salientou como atacante ao longo da súa curta traxectoria, que se interrompeu cando tiña 29 anos a causa dunha lesión cando estaba a xogar coa súa selección nacional.^[4]

O Trofeo Aarne Honkavaara recoñece ao máximo goleador da SM-liiga durante a liga regular.^[5] Entregouse por primeira vez na tempada 1977–78, e o primeiro xogador en conquistar o trofeo foi o finlandés Markku Kiimalainen, do Kärpät de Oulu. Foi precisamente esa mesma tempada cando a liga comezou a premiar aos xogadores máis destacados, mais non foi ata a década de 1990 cando estes galardóns comezaron a nomearse en honor ás lendas do hóckey sobre xeo finlandés.^[2][6]

Na tempada 1987–88, o xogador de TPS Arto Javanainen conseguiu o rexistro récord de 47 goles anotados na liga regular, a pesar do cal o seu equipo non conseguiu a clasificación para os play-offs ao finalizar na quinta posición con dous puntos menos que Lukko.^[7] En 2020 ningún xogador conseguira superar a marca de Javanainen.

O primeiro xogador nado fóra de Finlandia en conseguir o galardón foi o checo Tomáš Kapusta, quen anotou 30 goles para o HPK de Hämeenlinna durante a tempada 1992–93.^[8] Dous anos máis tarde, en 1995 bautizouse o trofeo co nome do antigo xogador do Ilves Aarne Honkavaara.^[2]

Na tempada 2019–20 o xogador de JYP Julius Nättinen fíxose co trofeo ao anotar 33 goles.^[9] Por mor da panedmia por coronavirus, esa tempada a liga regular non se completou e o seu equipo, como case todos os da Liiga, disputou 59 partidos en lugar dos 60 que se debían xogar.^[10]

Tempada	Equipo	Xogador	Goles	Nacionalidade	Ref.
1977–78	Kärpät	Markku Kiimalainen	31 goles	Finlandia	[12]
1978–79	Ässät	Kari Makkonen	36 goles	Finlandia	[13]
1979–80	HIFK	Matti Hagman	37 goles	Finlandia	[14]
1980–81	Ässät	Arto Javanainen	37 goles	Finlandia	[15]
1981–82	TPS	Reijo Leppänen	33 goles	Finlandia	[16]
1982–83	Ilves	Raimo Summanen	45 goles[b]	Finlandia	[17]
1983–84	Ässät	Arto Javanainen (2.)	37 goles	Finlandia	[18]
1984–85	Ilves	Mikko Mäkelä	34 goles	Finlandia	[19]
1985–86	Ässät	Arto Javanainen (3.)	44 goles	Finlandia	[20]
1986–87	JyP HT	Risto Kurkinen	41 goles	Finlandia	[21]
1987–88	TPS	Arto Javanainen (4.)	47 goles[c]	Finlandia	[22]
1988–89	TPS	Jukka Vilander	43 goles	Finlandia	[23]
1989–90	Ilves	Raimo Summanen (2.)	39 goles	Finlandia	[24]
1990–91	Ässät	Arto Javanainen (5.)	35 goles	Finlandia	[25]
1991–92	Jokerit	Teemu Selänne	39 goles	Finlandia	[26]
1992–93	HPK	Tomáš Kapusta	30 goles	República Checa	[8]
1993–94	TPS	Marko Jantunen	29 goles	Finlandia	[27]
1994–95	HPK	Kai Nurminen	30 goles	Finlandia	[28]
1995–96	Lukko	Juha Riihijärvi	28 goles	Finlandia	[29]
1996–97	Jokerit	Petri Varis	36 goles	Finlandia	[30]
1997–98	SaiPa	Dale McTavish	25 goles	Canadá	[31]
1998–99	Jokerit	Pasi Saarela	38 goles	Finlandia	[32]
1999–00	TPS	Kai Nurminen (2.)	41 goles	Finlandia	[33]
2000–01	HIFK	Jaroslav Bednář	32 goles	República Checa	[34]
2001–02	Ilves	Vesa Viitakoski	34 goles[d]	Finlandia	[35]
2002–03	HPK	Tomáš Kucharčík	28 goles	República Checa	[36]
2003–04	HIFK	Timo Pärssinen	32 goles	Finlandia	[37]
2004–05	Lukko	Pasi Saarela (2.)	31 goles	Finlandia	[38]
2005–06	HIFK	Tony Salmelainen	27 goles	Finlandia	[39]
2006–07	Jokerit	Jani Rita	32 goles	Finlandia	[40]
2007–08	Kärpät	Janne Pesonen	34 goles	Finlandia	[41]
2008–09	HPK	Jussi Makkonen	27 goles	Finlandia	[42]
2009–10	Jokerit	Jukka Hentunen	28 goles[e]	Finlandia	[43]
2010–11	Jokerit	Janne Lahti	37 goles	Finlandia	[44]
2011–12	Ässät	Tomáš Záborský	35 goles	Eslovaquia	[45]
2012–13	Kärpät	Juha-Pekka Haataja	28 goles	Finlandia	[46]
2013–14	Tappara	Olli Palola	27 goles	Finlandia	[47]
2014–15	Tappara	Olli Palola (2.)	29 goles	Finlandia	[48]
2015–16	SaiPa	Chad Rau	28 goles	Estados Unidos	[49]
2016–17	Tappara	Veli-Matti Savinainen	30 goles	Finlandia	[50]
2017–18	Kärpät	Charles Bertrand	32 goles	Francia	[51]
2018–19	KooKoo	Malte Strömwall	30 goles	Suecia	[52]
2019–20	JYP	Julius Nättinen	33 goles	Finlandia	[9]
2020–21	Ässät	Sebastian Wännström	33 goles	Suecia	[53]
2021–22	Tappara	Anton Levtchi	26 goles	Finlandia	[54]

O equipo para o que máis xogadores alzaron o trofeo é Jokerit de Helsinqui, cun total de seis xogadores, cada un cun trofeo.^[f] Os dous equipos que máis xogadores achegaron ao palmarés do galardón foron o propio Jokerit e Ässät, con seis títulos cada un, se ben só tres xogadores alzaron o trofeo xogando no equipo de Pori. Xogadores doutros dez equipos gañaron o trofeo Aarne Honkavaara ata a tempada 2019-2020:

Antes da creación do galardón os máximos goleadores da máxima categoría do hóckey sobre xeo finlandés foron os seguintes:^[56]

Referencias

• Trofeos da SM-liiga

• Sitio web da Liiga (en finés) (en inglés)